Popular Bible Verses from Nhiara 116

Share

A ralmu napal niana ITMATROMLAWANNI Makdenrer die, me u'uli-uwedi lilili-mamuau E'a! Yoma apuol olek la E' pa giwra: “Matrome! Mtiulan-msiayn nan a'g eee!” Noma la' a polpuo'lu-wakwa'ku de Nwahla nana. Yoma la'pa apuol lia de, Nheri tlinni mai a'u, pede hota la a mormio'ru mai nohkeran di de hota la' E' nampena ed mak apuolpuolu-wuakwak rer lia.

Plola! ITMATROMLAWANNI Makdenrer die Nden rer lia plola-mneha wawannu. Uplerlawna maka itkola tieru-tawur nehla de Entut rer nieka E ralam kalwiedni me sniayanni mai ita onnila E' de sniayni onni E'a.

La'pa ITMATROMLAWANNI rimormiorni rler la matmiati ralamni de, Ensayn wen ira ne ralamni nmawal doin la.

Yoma ITMATROMLAWANNI ed mak kamori-kalewna a lia'a matmiati ralamni. E Nhi' olek a pua yana a ralmu nmawal doinia. Ntulla-nsayni a' pua a'g edon lier la tutiuini-dadiayi. La' hade pede la a mormio'ru-dardia'ru mai nohkeran di de hota aliernohor reri ITMATROMLAWANNI ralma-riorni.