Popular Bible Verses from Rano'a 22

Share

Mpiatutu-mpiaye'a upmu-a'namu re totpena rat niohora talan mak kaplollola. Ne hota rhoratrer nieka pa nodia la mto'oni-pe'eni.

Ne la'a riy maka khu'ru-khelma ka'unni-kamta'ata ORGAHI-ORHA'A de hota nlernana mormiori plalahwa, re'a-tniaru nora yatota-yawawa.

Nan samomuou de ha weli wierta narehia re'a-tniaru muaka tanin la honi-ta'an la honi. Rira rsaynia it de ha samounu reh wialia rira rala leli-maha la ita.

Yan memmemna muora riy mak katu kawenan lawna re mpiatamputu.

Riy nhioli samomuou de hota Itmatromlawanni Nara'a-napalga me Ntera-ndem reria, yoma la'a hya' maka ha nlernana, de nora mak kakleha re rhakra.

Riy mak katu de natu na'ererma totpa la'pa namkek hadoma niwra nma ntai e'a dewade nrei lia walli. Mere riy mak kaplin niohor ma'ta wniarora-wnialai la kirkira-ralma rior samomuou de nru' nian to'pa ple'er wa pa hota hadom ntaiya de ntuwun du'urnu nwag'onni de polpuol ina-wakwak ama.

La'a riy kleleha-larlara re, nhi'inde ha rahnia'ar to'ola riy mak ktaru pa nhi'nande mak ktaru rodi plolli la ira. Me la' wali riy maka ka'otna-ka'ara mana ratlina-ratailla mak kal otan la ira.

Mak ktaru onde mak kakleha rrora nekpa ramneneha la' ida, yoma ORGAHI-ORHA'A ed maka kakoki-kayap niana ir honona.

Yan memmemna mhi' arukia a'na riy patyata la'a watghudi lokarni yoma nakleha riy mak hota kodnian e'a la lirni-tunnu. Yana mniutni-mdiahla re. Yoma ORGAHI-ORHA'A hota Nodniana hare lirni-tunnu, me hota Nlehga mak kutni-mak kdahla hare aranni la' temni.