Popular Bible Verses from Rano'a 1

Share

Ononni de rimormiori ratu ra'unni-ramta'ata me ratlina-ratailla ORGAHI-ORHA'A totpena rlernana lira-yatu plollolli de. Mere la'a riy maka kpodku de rahmena ratlina lira nnio'a-wawa niatu me rparwah'a rira wniatutnu-wniaye'eni la'a ira. A'nu ne! Mtia'wa reria tlinmi la'a inmi-ammi lira nnio'oni-wawa niatnu!

Mitlina! Miy miak kakleha ma'ta wniarora-wnialai kirkira-ralma rior samomuou, hota mlier la matmiati-molmuolu yoma mihmena mitlin mai a'u. Miy makpodku-kpadku hota mimkoha-mimnanan taru yoma edonna mhie'du nan a lira nnio'a-wawa nia'tu. Mere la'pa he' natlin la a li'ru-tu'nu de hota nler la kalwiedni-paitiotni. Nler la mormiori-dardiaria mtiertierannu me hota edon namta'ata!”

La' lira nnio'a-wawa niatu ri, de rodia mak ktaru kirkira-ralma rior samomuou pa rlernan owa'ana lira-yatu me la'a riy maka ralma-riorni plahwa lirni-yatnu yeher to' pa na'itar la.

Mliernana riy yatyata-halala pa rnori-rtam o'a, de yan memmemna mtial nohora re, a'nu nee!

La' hadi de e nakot nohora Salomo, Ray Daud la Israel a'nani lirni-tunnu mak ha nala na nano'a-na'atu. La' Salomo lirni re nnia'eratni totpena na nwatutu-nwaye'a rimormiori totpena rat niohora nhioli-lieta me rlernan walia ralma-riora la'a lira nnio'a-wawa niatu. La' lira nnio'a-niatu ri ha ra rwatutu-rwaye'a rimormiori totpena ratu rmori-rdari rlernohora ralma-rior mak ksamomuou, de rwatutu-rwaye'a re totpena nhiolli-lietni re rden rer lia plola-mneha, rhi'a-ryap die rlol talanni me rden rer lia ploini-ple'erni. La'pa rimormior mak kakleha ma'ta wniarora-wnialai kirkira-ralma rior samomuou de rwatutu-rwaye'a totpena rlernana kirkira-ralma riora plahwa de la'pa maka ktuwarwiar mia'ta demade rwatutga totpena ratu rlernohora hya' mak kaplola.

La'pa emkade hota mpiol ma'u, mere noha nanina pa nhel wioranni. Hota mihak a lia meni-meni, mere edonna mliernan olek a wua. Yoma miy die rimormiori miaka kahmena-kaprai lira nnio'a-wawa niatu me mihmena mi'unni-mimta'ata mitlina-mitailla ORGAHI-ORHA'A.