Popular Bible Verses from SARAY PROBIRBIO 2

Share

Say KATAWAN so mangiiter na kakabatan; manlalapud sikato so pakaamta tan pakatalus.

Anak ko, aral moy ibabangat kod sika tan ag mo lilingwanay pagagawak ed sika. Dengel kad kakabatan tan apiger mon talusan. Kerew ka na pakaamta; ibagam so pankaukolan mo na kakabatan. Panseetan mon anapen a singa pananap mod pilak odino arum a niamut a kayamanan. No onyay gawaen mo, nakabatan mo no antoy kabaliksan na itakot ed KATAWAN, tan naamtaan mo so nipaakar ed Dios.

Tutulongan tan iyaagel to so matonung, tan iyaagel tod kaatapan iray maptek so panagbilay da. Iyaagel tod kaatapan iray matonung so pipiolup dad kapara ran too, tan aantabayen to ray matoor ed sikato.

Saray matonung a totoosaray maptek so panagbilay daet manayam irad sayan dalin tayo. Balet say Dios paandipaten tod dalin iray totoon maoges, tan baguten to ray makasalanan a singa pamagut na tanaman ed dalin.

Nayarian mon iyarawian so marotak a biin ayaten to kad malamlamuyot a panagsalita to, aliwan matoor ed asawa ton dili, tan dineral to ray masanton sipan to.