Popular Bible Verses from وحی 11

Share

او زامان یدّئنجی ملک چالدی و گؤیده اوجا سسلر اشئدئلدی کی، دیئردئلر: «دونیانین پادشاهلیغی، ربّئمئزئن و اونون مسئحئنئن اولوب، و او، ابددن ابده‌جک سلطنت اده‌جک.»

مئلّتلر قضبلنمئشدئلر، و سنئن قضبئن گلدی. او زامان یتئشدی کی، اؤلولر موحاکئمه اولسونلار، اؤزلرئنی سنه قول اتمئش پیغمبرلره، موقدّسلره، سنئن آدیندان قورخانلارا، کئچئکلره و بؤیوکلره پاداش ورئلسئن و یر محو اولونسون.»

و من ائکی شاهئدئمه ائقتئدار وره‌جه‌یم، اونلار دا چولا بورونموش مئن ائکی یوز آلتمیش گون نبئلئک اده‌جکلر.»

لاکئن اوچ گون یاریمدان سونرا، تاریدان گلن حیات نفسی اونلارین ائچئنه گئرئب، آیاقلاری اوستونده دوردولار و اونلاری گؤرنلری بؤیوک بئر دهشت بورودو.

بونلارین قودرتی وار کی، گؤیو باغلاسینلار، اِله کی، اونلارین نبئلئک ادن گونلرئنده یاغیش یاغماسین. اونلارین سولار اوستونه قودرتی وار کی، اونلاری قانا دؤندورسونلر و نه قدر ده کی، ائسته‌یئرلر، یری هر بلا ائله وورسونلار.

بونلار یر اوزونون ربّی حوضوروندا دوران او ائکی زیتون آغاجی و او ائکی چیراقداندیرلار. و اگر کئمسه اونلارا زئیان یتئرمک ائسته‌سه، اونلارین آغزیندان اود چیخیب، دوشمنلرئنی اودار. بله‌جه اگر کئمسه اونلارا زئیان یتئرمک ائسته‌سه، بو جور اؤلمه‌لی‌دئر.