Popular Bible Verses from ۱یوحنّا 4

Share

محبّتده قورخو یوخدور؛ عکسئنه، کامئل محبّت قورخونو قووار. چونکی قورخودا عذاب وار، قورخان دا محبّتده کامئل اولماییب.

سئز، ای اؤولادلار، سئز تاریدانسینیز و یالانچی پیغمبرلره قالئب گلئبسئنئز. چونکی سئزده اولان روح، دونیادا اولاندان بؤیوکدور.

بئز سوئرئک، چونکی اوّل او بئزی سوئب.

ای سوگئلئلر، بئربئرئمئزی سِوَک، چونکی محبّت تاریداندیر و محبّت ادن هرکس تاریدان دوغولوب و تارینی تانی‌ییر.

محبّت اتمه‌ین تارینی تانیماییب، چونکی تاری سوگئدئر.

محبّت بودور: نه کی، بئز تارینی سودئک. بو کی، او بئزی سِودی و اؤز اوغلونو بئزئم گوناهلاریمیز اوچون کفّاره گؤندَ‌ردی.

سوگئلئلر، اگر تاری بئزی بله سِودی، بئز ده گرک بئربئرئمئزی سِوَک.

تارینین بئزه اولان محبّتی بله ظاهئر اولوب: تاری اؤز یگانه اوغلونو دونیایا گؤندَ‌ردی کی، بئز اونون واسئطه‌سئله یاشایاق.

کئم دسه کی، من تارینی سوئرم، لاکئن اؤز قارداشیندان نئفرت اتسه، او یالانچی‌دیر. چونکی گؤردویو قارداشینی سومه‌ین، گؤرمه‌دئیی تارینی سوه بئلمز.

کئم ائقرار اتسه کی، عئسا تارینین اوغلودور، تاری اوندا، او دا تاریدا یاشاییر.

بئزئم اوندان آلدیغیمیز امر بودور کی، تارینی سِوَن گرک اؤز قارداشینی دا سوسئن.

سوگئلئلر، هر روحا ائنانمایین، آمّا روحلاری ائمتاحان ادئن کی، اونلارین تاریدان اولوب اولمادیغینی بئله‌سئنئز. چونکی دونیادا چوخ یالانچی پیغمبر یاییلیب. تارینین روحونو بله تانی‌یین: عئسا مسئحئن جئسمده گلدئیئنی ائقرار ادن هر روح تاریداندیر.

عئسا مسئحئن جئسمده گلدئیئنی ائقرار اتمه‌ین هچ بئر روح تاریدان دیئل. بو، مسئحه ضئدّ اولانین روحودور کی، اونون گله‌جه‌یئنی اشئدئبسئنئز و ائندی اله دونیادادیر.