Popular Bible Verses from Isa 58

Share

míɔ dɔaaɛ́ gɔɔpii. Má tó pɔ mɔwá gu tɛkũau, má á wá baasaɛ́, íɔ dɛ lan swalu mɔsɛdewa, lan nibɔna pɔ a í lí baowa.

Lɛye pɔ má dìlɛ min kɛo lò? À vãikɛnaɔ gala polo gbɛ̃́ɔwa, à zuu bɔlɛnɛ́, à gbɛ̃́ pɔ wàlɛ ɔtɔ̃máɔ gbaɛ, í gbãamɔanɛ́ midɛ pii. À blɛli nɔandɛnaɛ, à wɛ̃nade bɛsaide dilɛ. Tó a gbɛ̃́ è bɛ puizi, àli pɔ nai. Tó i baalɛ á mɛdoũdeɛo

gu a puɛ́ lan ĩatɛ̃ bilɛawa, á aafia'e aannɔ, á maakɛa a zɛmikũɛ́, ma gawi iɔ tɛ́ á kpɛ.

Tó a lɛzùmazi sa, má wewá, tó a wiilɛ̀mazi, má oɛ́: Má kɛ́! Tó a gbãamɔanɛ́ midɛ̀ á guu ń ɔtondɔakɔ̃wao ń yãpãsĩ'oao

tó a nɔandɛna gbà á pɔeã blɛ, mɛ́ a pɔ kpà wɛ̃nadewa à kã̀, gu a puɛ́ gusiau, gubeebee a gɔ̃ɛ́ lan fãanɛwa

Á á bɛzia vu, á á wɛ̃lɛ pɔ kalɛa à gɛ̃̀gɛ̃ kɛkɛ, wi mɛɛ́ bĩigbooa ń uazĩɔ kɛkɛnaɔ.

Tó álɛ gbabɔ kãmabogɔɔzĩo, mɛ́ álɛ ázĩa pɔeã kɛ ma gɔɔpiwao, tó a mɛ̀ kãmabogɔɔ na, mɛ́ a ma gɔɔpi dìlɛ gbia, tó á dìlɛ gbia mɛ́ a á bɔɔlɛɔ tò, tó i ázĩa pɔeã kɛuo, mɛ́ i yãyaaabɔlɛuo, á pɔ a kɛa na, mí tó àɔ kible busu gulɛsĩɔu, mí tó à á dezi Yakɔbu tubible. Ma Dii ma lɛ́ mɛ́ ò.

Gwa! Á lɛyea ì midɛ ń lɛkpaao ń soleo, i kɔ̃ gbɛ̃ ń ɔkũ gbãao. Á lɛye lá álɛ kɛ gbãɛwa mà á wabikɛa ma musue? Lá ma lɛye dìlɛn wee? Zĩabusaa ado yã nɛe? I kɛ mipɛlɛa lan kpootɛ̃wa ge wulɛa túfuu ń ulakasaɔ daa yã no. Pɔ pɔ i mɛ lɛyen wea? Bee mɛ́ ì kamagua?