Popular Bible Verses from Bɔa 20

Share

Mamɛ má Dii á Lua ũ, ma á bɔlɛ zɔbleu Egipi. Ásu àɔ diie vĩo, ma baasio.

Ásuli pɔe taa kɛ à kulɛ à zɔbleɛ̀o, pɔ pɔ ku musu ge tɔɔlɛ ge í guun nò, asa ma Dii á Lua, mili sí sàao. Mi mae pɔ yemazioɔ yãvãi wi an buiɔnɛ ń musu e à gɛ pɛ ń sĩwɛnaɔ ń ń sɔ̃kpaɛɔwaɛ.

Àli á de ń á dao kpɛla, kɛ́ à e à gɛ̃gɛ̃ busu pɔ ma Dii á Lua malɛ kpawáu.

Àli kãmabogɔɔ dɔ̃ ma pɔ ũ.

Ma Dii á Lua ásuli ma tɔ́ sí pão, asa gbɛ̃́ pɔ ma tɔ́ sì pã, má tó aà bɔ pão.

Àli á buazĩ ń á zĩ piio kɛ gɔɔ soolo, a soplade iɔ dɛɛ́ kãmabozĩ ũ, asa ma Dii á Lua ma pɔɛ. Ásuli zĩe kɛ gɔɔpi zĩ́o, apiɔ ge á nɛgɔ̃ɛ ge á nɛnɔɛ ge á zĩkɛna gɔ̃ɛ ge nɔɛ ge á pɔtuo ge nibɔ pɔ ku á bɛ.

Ásuli á gbɛ̃dee ua bĩikɛo. Ásuli aà nɔ bĩikɛo ge aà zĩkɛna gɔ̃ɛ ge nɔɛ ge aà zu ge aà zaa'ĩna ge pɔ pɔ a vĩɔ pii.

Ásuli yãdɔ á gbɛ̃deewao.

Ásuli wulɛ ń gbɛ̃pãle nɔoo.

Ásuli gbɛ̃́ dɛo.

Ásuli kpãi'oo.