Popular Bible Verses from Rum 10

Share

Ka mnaŋ mna ka nda wa gha kazlay: *Yesu ná, Mgham ya kəʼa, zlghaf zlgha ka guli ma ŋuɗufa gha kazlay: Sliʼaganapsliʼa Lazglafta ma mtaku kəʼa, dzaʼa mbaku ka.

Ma zlghafta nda ŋuɗuf ta nuta lu ka mndu tɗukwa ta wa ira Lazglafta. Ma mnigiŋta nda ma wubisim guli ta mutsafta lu ta mbaku.

Mantsa ya ná, ma snaŋtá gwaɗa ta kəl lu ka nuta ka mnda zlghay nda ŋuɗuf. Tsa gwaɗa snaŋ lu ya guli ná, gwaɗa Kristi ya.

Ka lu vindafta ma deftera Lazglafta na: « Inda mndu ta zlghafta ná, ta haɗ hula ta ghəŋa ni wu » kaʼa. Tsaya tama ná, ta haɗ dgəvgha mndu kazlay: La *Yahuda yeya, la *Grek yeya kəʼa wa. Inda taŋ demdem, Mgham turtuk Mghama taŋ, ta vla zɗaku katakata ŋa inda gwal ta hwayanavata. Nda vinda guli ma deftera Lazglafta kazlay: Inda mndu ta hwayanavatá Mgham ná, dzaʼa mbaku kəʼa.

Kinawu ka gwal ta mnay dzaʼa mnaŋta ka ghunaf a lu ta həŋ guli? Nda vinda ma deftera Lazglafta kazlay: Ngha ɓa ta waɗahata vgha mndu ta ghəŋa gwal ta klədanaghatá Lfiɗa Gwaɗa ta həŋ kəʼa.

Ka zlghaf a həŋ wu, kinawu ka həŋ dzaʼa hwayanavata tama, kinawu ka həŋ dzaʼa zlghaftá mndu kul snaŋta həŋ ta gwaɗa ta ghəŋa ni? Kinawu ka həŋ dzaʼa snaŋtá gwaɗa ta ghəŋa ni guli ka haɗ mndu ta mnanaŋtá həŋ?

Tsaya tama ná, kɗanakkɗa *Kristi ta zlahu. Inda gwal ta zlghaftá *Yesu Kristi ná, nanaf na Lazglafta ta həŋ ka gwal tɗukwa ta wa ira ni.