Popular Bible Verses from Matius 21

Share

Aka iai too umpelaua' längäm Puang Allataala sola ponno kapahhannuam, tä' mala tala naponnoiangkoa' indo pelauammu.”

Iya nauam Puang Yesus: “Setongam-tonganna, assala'na deenna' kamatappasammu anna tä' tookoa' la bata-bata, malaa' duka' umpogau' inde kupogau' tentomai. Anna tä' angga mandi ia too la malaa' umpogau', sapo' la malapokoa' duka' ussua inde dio buntu mentieli' tama le'bo', anna tä' mala tala dadi.

Ingganna tau to ullahui, susi yolona teem ibundinna sikaahhe naua: “Tapujia' peampoanna tomahaja Daud! Katambasam to sule illaam sanganna Debata! Tapa'kasalleia' Puang Allataala To Handam Matande!”

Anna mane umpa'tula'i indo tau buda naua: “Deem tisuha' illaam Battakada Debata naua: ‘Banuangku la naongei hupatau ma'sambajam,’ sapo' umpadadi hia' iko pa'mesaanna pa'bulele kalasi anna pa'tombonganna to maboko allo.”

“Palandasannia' inde tula' lako issinna kota Sion muua: ‘Petua'ia' tomahajammu sule napellambi'iko, tä' deem pada samahempo penaba anna ussäkei mesa keledai. Ussäkei mesa keledai lundaha.’ ”

Iya nauam Puang Yesus: “Tä' daka' tiko deem umbata illaam Battakada Debata naua: ‘Indo batu natibe tukam, ia leko' di diala dipobatu longkahhim. Kaha-kaha ia too mala dadi aka pa'pogau'na Debata, anna takamängä-mängäia' kita pa'pogausam ia too!’

Iam too anna kutulasammokoa' kuua: Indo pangngalatabamua' illaam kapahentaanna Puang Allataala la naäläi sule anna la napalulakoanni tau senga' to untuhu'i pahentana lambi' ungkembuaam bua la sihatanna. [