Popular Bible Verses from Ɔrɔmu Shiinbii 3

Share

Sùpyire pun'à kapegigii pyi, lire l'à pi nàzhan yige Kile sìnampe e. Ŋka Kile à ɲwɔ pi na maa pi pyi pi à tíi mana, Yesu Kirisita à pi ɲùŋɔ wwû pi kapegigil'e ke, lire cye kurugo.

Kile maha sùpyire pyi shintiilii dániyaŋi cye kurugo Yesu Kirisita na, wà ɲyɛ a wwû w'e mɛ.

Kile à Yesu yaha a pa, pi i u kwòro cige na, bà u si mpyi si Kile lùuni tìŋɛ, si wuu kapegigii yàfa wuu na, u sìshange ŋguŋi cye kurugo mɛ. Mà ta lire sàha mpyi mɛ, Kile lùtaanni kurugo, u ɲyɛ a mpyi a sùpyire cû a tàanna ná ti kapyiiŋkil'e mɛ. Numɛ, Yesu à pa, mpii pi à dá u na ke, ali mà ta pi à kapegigii pyi, Kile à jwo na pi à tíi. Lire Kile à pyi ke, ntiimbaa bà mɛ, ɲaha na yɛ Yesu à pi kapegigii tugure lwɔ́.

Lire kurugo Kile yyahe taan, sùpyaŋi wà tufiige sì n‑jà n‑tíi Saliyaŋi kurigii ɲaaraŋi cye kurugo mɛ. Nde kanni Saliyaŋi maha jà a pyi ke, lire li ɲyɛ, u maha sùpyaŋi pyi u à kapiini cè.

bà y'à sémɛ Kile Jwumpe Semɛŋi i na: «Sùpyaŋi wà tufiige ɲyɛ a tíi mɛ, ali shin niŋkin! Wà ɲyɛ a sìi yákilifoo mɛ, wà ɲyɛ na Kile caa mɛ! Pi pun'à kuni niɲcɛnni yaha, pi pun'à pyi kaɲwɔɔ baa. Wà ɲyɛ na kacɛnnɛ pyi mɛ, ali shin niŋkin!

Sèe wi, wuu à li cè na sùpyire ntìiŋi na ntaa dániyaŋi cye kurugo, ŋka Musa Saliyaŋi kurigii ɲaaraŋi i bà mɛ.

Sèeŋi na, lire sì n‑pyi mɛ. Wuu à yaa wuu li cè na Kile na sèeŋi yu, sùpyire puni sí ɲyɛ kafinivinimii bà y'à sémɛ Kile Jwumpe Semɛŋi i mɛ, na: «Kile, sùpyir'à yaa ti li cè na mu jwump'à tíi. Pi aha mu cɛ̂ɛgɛ, mu à yaa mu u ta tàngafoo.»