Popular Bible Verses from Ding Dalit 143

Share

Uling ika ing Dios ku; ituru mu kung mamintu king kaburian mu! Maging maganaka ka sa kaku, karing dalan a alang panganib patnubayan mu ku.

Ipaganaka mu kaku balang abak ing lugud mung alang kupas, uling keka ku magtiwala! Ding panalangin ku miraras la keka; ituru me ing dalan a kailangan kung tuntunan.

Iligtas mu ku, O GINU, karing kakung kalaban! Keka linapit kung manintun salilungan!

Alang-alang king pangaku mu, O GINU, iligtas me ing bie ku. King kekang kayapan anguan mu ku karing kakung kagutgutan!

Tingiran mu ing panalangin ku, O GINU; pakiramdaman mu ining kakung panalangin uli ning makatuliran ka; pakibatan mu ku uling tapat ka!

Mamalagua kang makibat kaku, O GINU! Mepupus na ing sabla kung kapanayan. E me sasalikut ing sarili mu kaku, nung ali kayabe ku karetang manabu king tuknangan da ring mete.

Gaganakan ku la ding aldo milabas; gaganakan ku ing sablang kekang depat, isip-isipan ku ing sablang gewa mu.