Popular Bible Verses from Ding Kasebian 3

Share

Manalig ka king GINU king mabilug mung pusu at e ka magtiwala kapilan man king sarili mung kaisipan. E me kakalinguan ing GINU king sablang kekang daraptan at pakit ne keka ing ustung dalan a kekang tuntunan.

E mu lalawan maragul ing kekang sarili; tumakut ka king GINU at lakuan ing e mayap.

Parangalan me ing GINU king pamiyain mu king kekang pibandian at karing mayap diling bunga na ning kekang tamnanan. Nung daptan mu yan, kumatmu la ngan ding kekang datukanan at maglapo-lapo lang alak ding kekang lulanan.

E mu tatanggian ing katapatan at ing kapanaligan. Isabit mu lang anting kwintas king kekang batal at itanam king kekang pusu.

Anak ko, neng sasabianan na ka ning GINU, e mu sa tatanggian at pagkasala; pakaintindian mu at tanggapan bilang disiplina. Uling didisiplinahan ne ning GINU itang kaluguran na, antimo nung makananu neng sasabianan ning tata ing anak a kaluguran na.

Anak ko, e mu la kakalinguan ding tuturu ku keka; e mu la kakalinguan tutuparan ding kakung kautusan ban kumaba at mibendisyunan ing bie mu.

Masuerti ya ing manakit kabiasnan at pamanalastas. Maygit kaniti king pilak ing pakinabang at lalu yang maygit king gintung mal. Maygit ya ing kabiasnan kesa karing alahas at ala yang kalupa king nanumang kekang pagnasan.

Daptananan mu lang mayap ding mangailangan saup lalung-lalu na nung iti agyu mung gawan.

Lelang ne ning GINU ing yatu king kapamilatan ning keyang kabiasnan; binili ne ing banua king pagkabilian na kapamilatan ning beluan na.