Ding Kasebian 3

Ing Turu karing Kayanakan

1Anak ko, e mu la kakalinguan ding tuturu ku keka; e mu la kakalinguan tutuparan ding kakung kautusan 2ban kumaba at mibendisyunan ing bie mu. 3E mu tatanggian ing katapatan at ing kapanaligan. Isabit mu lang anting kwintas king kekang batal at itanam king kekang pusu. 4#Lc 2:52.Nung iti daptan mu, tumula ya keka ing Dios at ing tau.

5Manalig ka king Ginu king mabilug mung pusu at e ka magtiwala kapilan man king sarili mung kaisipan. 6E me kakalinguan ing Ginu king sablang kekang daraptan at pakit ne keka ing ustung dalan a kekang tuntunan. 7#Roma 12:16.E mu lalawan maragul ing kekang sarili;#3:7 King Hebreo: E mu isipan ing bina kang biasa. tumakut ka king Ginu at lakuan ing e mayap. 8Nung yan ing kekang gawan, anting panulu kumayap lang sugat mu at sikan ing kekang katawan. 9Parangalan me ing Ginu king pamiyain mu king kekang pibandian at karing mayap diling bunga na ning kekang tamnanan. 10Nung daptan mu yan, kumatmu la ngan ding kekang datukanan at maglapo-lapo lang alak ding kekang lulanan.

11 # Job 5:17. # Heb 12:5, 6. Anak ko, neng sasabianan na ka ning Ginu, e mu sa tatanggian at pagkasala; pakaintindian mu at tanggapan bilang disiplina. 12#Kap 3:19.Uling didisiplinahan#3:12 King Hebreo: sabianan o babarugan. ne ning Ginu itang kaluguran na, antimo nung makananu neng sasabianan ning tata ing anak a kaluguran na. 13Masuerti#3:13 King Hebreo: nuan o kaya masaya o mapalad. ya ing manakit kabiasnan at pamanalastas. 14Maygit kaniti king pilak ing pakinabang at lalu yang maygit king gintung mal. 15Maygit ya ing kabiasnan kesa karing alahas at ala yang kalupa king nanumang kekang pagnasan. 16Makabang bie ing babie na at saka pibandian ampon dangalan. 17Babie ning kabiasnan ing kaligayan at ituntun na ka king dalan ning kapayapan. 18Mengari yang tanaman a mamunga karetang manintun kabiasnan.

19Lelang ne ning Ginu ing yatu

king kapamilatan ning keyang kabiasnan;

binili ne ing banua king pagkabilian na

kapamilatan ning beluan na.

20Ing kabiasnan na

ya ing pepasari ban ding ilug magus la,

at ban ding biga king yatu uran ibaldug da.

21Anak ko, e mu sa paburen ing kekang kabiasnan at mayap a kaisipan; e mu paintulut ing mawala la keka. 22Ila ding munie bie at dangalan keka.#3:22 O kaya: kapanatagan at ligaya keka. 23Inya lumakad kang alang takut at e ka misakab. 24Magkera kang alang takut at mipatudtud kang maniaman. 25E ka maligalig tungkul karing sakuna a biglang daratang anting bagyu karing e mayap a tau. 26Uling ing Ginu ya ing mingat keka; e na paintulut ing manakbag ka king bitag.

27 # Sir 4:3. Daptananan mu lang mayap ding mangailangan saup lalung-lalu na nung iti agyu mung gawan. 28E mu na pibukas-bukas ing saup a aibie mu ngeni king kalupa mung tau. 29E ka mimisip dapat e ustu king kalupa mung tau a manuknangan siping mu at magtiwala keka. 30E ka makipate kenu man nung ala kang asangkan at e na ka ninanan balang. 31E me kakaririan ing taung tampalasan ni makiapus king keyang daraptan. 32Uling masusumami ya ing Ginu king taung e mayap, oneng tutula ya king taung matulid a dapat. 33Susumpa na la ning Ginu ding pibalebale da ring e mayap a tau, oneng bibendisyunan na la ding pibalebale da ring banal. 34#Santi 4:6; 1 Ped 5:5.Susunu na la ding palalu, oneng bibendisyunan na la ding taung mababa lub. 35Tanggap lang dangalan ding biasa, oneng kamarinayan ing kamtan da ring mangmang.

Currently Selected:

Ding Kasebian 3: PmPV

Highlight

Copy

Compare