Popular Bible Verses from Ding Kasebian 13

Share

Mabiasa ka nung makiabe ka karing biasa, oneng ing pamakiabe karing mangmang mamungang kaguluan.

Itang maingat king dila na ingatan ne ing bie na; ing bugasuk king sasabian na kasiran ing kararasan na.

E me kaluguran ing kekang anak nung e me babarugan; nung keka yang kaluguran keka yang aralan.

Neng mabibigu ing kapanayan, saskup ya ing salu, oneng ing kapagnasan a kimtan paligayan neng pusu.

Ing katuliran ya ing mingat king taung alang kasalanan, oneng ing e mayap ya ing sumira king makasalanan.

Agad mawala ing pibandian a ikua king e ustung paralan, oneng itang pibandian a kekang pipagalan lalung dakal.

Kaguluan ing bubunga na ning kapalaluan, inya kabiasnan ing maniawad kausukan.

Ing taung mayap atin yang pibandian a pamana karing apu na, oneng ing pibandian da ring makasalanan miras karing taung mayap.

Makiramdam ya ing anak a biasa neng sasabianan neng tata na, oneng e na pansinan ning anak a masias a buntuk.

Kakaluluan at kamarinayan ing miras king taung e bisang magaral, oneng tanggap yang karangalan itang makiramdam king kausukan.