Popular Bible Verses from Ding Kasebian 12

Share

Mina ya ing diribdib king problema, oneng ing mayap a amanu tula ing idala na.

Matula ya ing taung malugud king kabiasnan, nung keka yang sasabianan king keyang kamalian, oneng kasaman na ning taung mangmang ing sasabianan.

Ing pamagsalitang bugasuk anti yang pataram a maniugat malalam, oneng ing pamagsalitang banayad mamungang kapayapan.

Bala na ning taung mangmang ing ustu ya, oneng king payu ya makiramdam ing taung biasa.

Neng mapipikun ya ing mangmang, iti agad nang pakilala. E na papansinan ning taung maisip ing insultu.

Ing mayap a babaing talasawa dangalan ne ning asawa na; nung makarine ing dapat na mengari yang sakit king butul na.

Masusumami ya ing GINU karing malaram, oneng katulan na la detang tapat tutupad king karelang sasabian.

Metung yang mayap a alimbawa ing taung banal karing keyang kakaluguran, oneng ing taung e mayap ilili na la ngan king dalan.

Ing dila a magsalitang katutuan manatili ya kapilan man, oneng ing dilang malaram agad yang miwakasan.