Popular Bible Verses from Efeso 4

Share

Nune, maging maganaka kayu sana at mapaglunus king metung at metung, at mipapamatawad kayu antimo ing pamamatawad na kekayu ning Dios king kapamilatan nang Cristo.

Magpakumbaba kayu sa, maganaka, mapibabata, at misaupsaup kitmuan lugud king metung at metung.

E kayu magsalitang marawak a amanu; pagkapilitan yung parati ing magsalita ketang makakayap at makapasikan lub a malyari dang pakinabangan ding makaramdam.

Ilako yu na ing nanumang mapait king lub yu, mua, at kasbu; tuknang na kayung mamulyo, maninsultu at magsalitang e mayap.

Nung sakaling mimua kayu, pangilagan yu ing e kayu mikasala at e yu paintulutan manatiling patingapun ing mua yu. E ye dirinan dalan ing diablo king bie yu.

Lakuan yu na ing milabas yung marawak a pamibiebie. Lakuan yu na ing sadia yung pangatau a mipapahamak uli na ning marawak nang pamitan. Ibayu yu na la ding pusu yu at kaisipan, at isulud ye ing bayung pangatau a melalang agpang king wangis ning Dios a mipatutuan agpang king katuliran na at kabanalan.

Pagkapilitan yung papanatilian ing pangametung a ibat king Espiritu king kapamilatan na ning kapayapan a bubuklud kekayu.

Ya ing minie regalu karing tau; binie na karing aliwa ing maging apostol la, karing aliwa naman ing maging propeta la, ding aliwa naman ing maging talapanaral la, pastor at talaturu. Depat na iti ban isadia na la ding sablang mepili king kasuyuan at king ikasulung ning iglesia na. Ban kanita itamung sabla misasanmetung tamu king pamanialpantaya, at pamangilala king Anak ning Dios, at maging ganap ing kekatamung pangatau agpang king pamakilupa tamu king genapan nang Cristo.

E ta na kanita anak a mangalati a balamu bangkang sapul-sapulan na ning angin, at pitange-tange ning alun ampon ning maling turu da ring taung mapaglinlang. E ta na mapirait karing taung ating kapagnasan a inabu da katamu king e ustu. Nune king kapamilatan na ning pamagsalita tamu king katutuan at ning diwa ning lugud, dagul tamung ganap king pangayabe tamu kang Cristo, ing buntuk.