Popular Bible Verses from KALKIRA 10

Share

Yawe di Moiz ana, «Tuɗ vi Faraw kay an soom hurummi an daŋ may, u suu sun mamsina halaŋ kay a tak ki dukusi ana An Kaa. Ni kay a aŋ hin cuɗ dla ndaɗta ka maŋ goroŋ u goŋgolo maŋŋa kay dlara an laɗ eg suu Egiptena wandara u dlara mbuɗ mbuɗta an laɗ dukusira a agi wi ki ana anni Yawe.»

Yawe di Moiz ana, «Maɗ koŋ ki kolo huulona, yi ndufunda ay kay mbassa Egiptera, ni ndufun mayra sa ka wi duk kombi layra.» Moiz maɗ kom kolo huulona, hu buuna hindi ndufunda ŋgolla mba hu mbassa Egiptera. Buuna hindi ni sa ka wi tambi lay, ka cala ki a poyɗi lay. May ni suu Israelna kiɗikka ka kasi hu li ma asi cuki huna tew tew.

Moiz tli tokolo mamba kolo kay mbassa Egiptera, Yawe paɗ babaana ay kolo u maɗiina na ni hu buu namma u njeŋgera halaŋ tuɗ tew maɗiiya ni, babaa ma u maɗiinana mbaa jeena aya. Jeena cuk ki kay yam mbassa Egiptera halaŋ, etl ki kay yam ndaŋgara halaŋ halaŋ. Jee namma ay jew dayra ni li ka na ɦoyɗi, ha fokka lay nam ka ndak a li naɗi lay.