Popular Bible Verses from Waloma 3

Share

kwaviya wanhu wose watenda uhasanyi na kuhungukiligwa na utunhizo wa Mulungu. Mbali kwa chitumetume cha unovu wa Mulungu, wanhu wose wotogoligwa wanoga haulongozi ha Mulungu kaidi kwa nzila ya Yesu Chilisito yowakombola.

Mulungu kawatenda wanhu kuwa wanoga haulongozi hake kwa kumuhuwila Yesu Chilisito. Mulungu katenda vino kwa wanhu wose womuhuwila Yesu Chilisito, habule ubagulo wowose kwa Wayahudi na wanhu wamwenga

Mulungu kamulava Yesu kwa damu yake muladi yawe nzila ya kuwasegezela wanhu uhasanyi wawo kwa kwika uhuwilo kumwake yeye. Katenda ivo yadahe kulagusa yeye mnyendanyenda. Baho haumwaka Mulungu kakala yofunya umoyo, bila kugesa uhasanyi wa wanhu. Mulungu katenda ivo muladi yadahe kulagusa unovu wake kwa wanhu, muladi yamtende kanoga munhu yoyose yomuhuwila Yesu.

Ivo habule munhu yoyose yondayapetigwe kanoga haulongozi wa Mulungu kwa kutenda viyolonda Malagilizo ya Mulungu yoyamwing'hile Musa, mbali Malagilizo ya Mulungu yochitenda chiyepule kutenda uhasanyi.

Fana viya Yamaandiko Yelile viyolonga, “Habule hata munhu imwe yanogile haulongozi wa Mulungu, habule hata munhu imwe yeli na ubala habule hata munhu imwe yomtambikila Mulungu. Wose wamuleka Mulungu, wose wabananga, habule munhu yotenda mbuli zinogile, habule hata imwe.

Kwaviya munhu kotogoligwa kanoga haulongozi wa Mulungu kwa uhuwilo, na si kwa kutenda viyolonda Malagilizo ya Mulungu.

Si ivo bule! Mulungu ni mkweli one ihawa chila munhu ni mvwizi. Yamaandiko Yelile yolonga, “Chila uhalonga mbuli zako chila munhu kowona kolonga viilondeka na muna inhaguso weye kohuma.”