Popular Bible Verses from Maarhk 16

Share

Okii'-inaa' itahsh Ciisahs: “Ishaak i'imaa misiwehkamik. Wiintamawihkook kahkina pemaatisiwaatc o'o minwaacimowin.

Iki tahsh otepwehtamook oka wiiciiwikonaawaan ono maamahkaacihcikewinan ci⁠kihkenimintwaa eh⁠tepwewaatc: niin niwiinsowin ahpiwiintamowaatc oka saakicinisha'amawaa' maciahcaahkwa' awiya', shikwa ta⁠oshki ishikiishwewak. Shikwa kiishpin otaahpinaawaatc kinepikoo' kaawiih sakiciihsowenitc, kaawiin inkotano oka tootaakohsiiwaa'. Kiishpin kaye kekooniniko minihkwewaatc pehcipowaakamininik, kaawiin awaac oka maanishkaakohsiinaawaa. Kaye saaminaawaatc otaahkosii', ta⁠minoayaawa',” kii'‑ihkito.

Awenen iko ke⁠tepwehtank, ke⁠siika'antaasotc kaye, ta⁠pimaaci'aa. Awenen itahsh iko ke⁠tepwehtansik ta⁠tipaahkonikaniwi.

Iki tahsh kihkino'amawaakanak kii'ishi maacaawak misiwe, e'awi wiintamaakewaatc minwaacimowin. Shikwa okii'-wiitanohkiimikowaan ini Tepencikenitc maamahkaacihcikewinan ekii'-miinikowaatc ci⁠tootamowaatc, ekii'ishi kihkentamo'iwenitc eh⁠tepwemakaninik otihkitowiniwaa.]

Okiih kanoonikowaan itahsh: “Keko sekisihkek. Kipi antawaapamaawaa 'awe Ciisahs Naasaritink (Nazareth) kaa⁠onciitc, aashiteyaahtikonk kaakii'ishi akosaka'ontipan. Aasha kiih⁠kiiwepimaatisi! Kaawiin awiya o'omaa ayaahsii. Inashke tahsh o'omaa kaakii'ishi pimihshimintipan!

Aaniihsh wiinke kii'⁠mihcaapihkisiwan. Ahpii tahsh weti e'⁠inaapiwaatc, okiih tepaapamaawaan aasha inkoci ekii'-matwe apinitc. Miitahsh eh⁠piintikewaatc okii'-waapamaawaan oshki ininiwan i'imaa nahke okihcinihkiwaank e'⁠namatapinitc, eh⁠kinwaapiika'ashenitc e'⁠waapishki'onitc. Wiinke kiih⁠sekisiwak.