Popular Bible Verses from Maahtiyo 27

Share

E'⁠nihsotipa'ikaneyaanik tahsh Ciisahs enikohk kii'‑ihkito: “Iilaai, Iilaai! Lamaa sapaahtaanii? (Eli, Eli, lama sabachtani?) ” Mii hsa i'i kaa'⁠icikaatek: “NinKishemanitoom, ninKishemanitoom! Wekonen kaakii'onci nakashiyan?”

I'imaa tahsh Kihcianami'ewikamikonk piintik, kipiika'ikan kiih⁠tashwekakoote, ekii'-aakawakootek kaashi kohtaanentaakwahk piintik. Mii hsa i'i ahpii i'i kaa'ishi taashkiikihsek, ishpimink ekii'onci maacitaashkihsek piinihsh tapashiihsh ekii'ishi taashkiikihsek. Mii kaye 'i ahpii kaa⁠koshkwahkamikihsek. Ahsiniik kaye kiih⁠taahtaashkihsewak. Ciipekamikoon kaye kiih⁠paahkihsewan, niipowa' tahsh Kishemanitoo okwayahkwaatisiima' kaakii'-niponihpan kiih⁠kiiwepimaatisi'aawa'

Ciisahs tahsh miinawaa enikohk kiih⁠kishiiwe, miitahsh kaa'ishi poonipimaatisitc.

Ahpii tahsh a'a shimaakanihshiiwikimaa, i'i kaye oshimaakanihshiima' kaakii'-wiiciiwikotc kaakiih kanawenimaanitc Ciisahsoon e'⁠waapantamowaatc ahkiini eh⁠koshkohsenik, kahkina kekoonini kaye kaakii'-ishihsenik, wiinke hsa kiih⁠kihcisekisiwak, ekii'-ihkitowaatc: “Tepwe hsa Kishemanitoo ini oKosihsan!”

E'⁠naawahkwek tahsh misiwe i'imaa ahkiink kiih⁠kashkiitipihkan nihsotipa'ikan minihk.

Paailat tahsh kii'ishi kakwetwe: “Aaniin tahsh wiin ke⁠tootawak Ciisahs, Kishemanitoo Kaa⁠onaapamaatc kaa⁠icikaniwitc?” Miitahsh kaa'⁠ihkitonitc kahkina awiya': “Ta‑akosaka'waa!” Paailat hsa miinawaa kii'ishi kakwetwe: “Aaniin tahsh kaa'ishi mamaashiitc?” Miitahsh aanciko enikohk kaa'ishi maaciishaahshaakowenitc: “Ta‑akosaka'waa!” kii'ishi shaakowewa'.