Popular Bible Verses from Mata 28

Share

Kə̀ taàbìá, ìì ɛ̀m kíin nɛ́b bəd sunú, yɛ́b gə́ kóólé, dá ìì mà' bə̀, boò kùm nɛ́b sáànmbə̀ mə́ bərá. Ìì pii bə̀ baptisma Báá nə́gə́lú, Wàà nə́gə́lú, bít kə̀ Nwul Gìdń nə́gə́lú. Ìì sán nɛ́b sáànmbə̀ puu bəraa yée, boò ləə indaŋ̀mbə̀ bəraa mə́ pii iiyà yée kíìn kóólé, bít ìì gàb kúnú, máá kuùm kə̀ aí tá, nyàm gə́ kóólé, yɛ́b dá bɛ́dǹ zé.»

Yéésù ɛ̀m gbarà boò sunú, bít bàà bə̀: «Kpɛŋsɛ́l gə́ kóólé, Vɛnɛ́b pii máà yàá, lɛgə́ poú, kə̀ yɛ́b bə tə́ kóólé.

Zá malaika bàà nɛ́b kɛ́ɛ̀m bəd: «Ìì nùù də́dǹ sí. Mə́ gàb yàá, íí tə́ Yéésù saanàá, màn aa bə̀ bágə̀ téélɛŋké bəroó. Oò zɔ̀ŋə sàà rú sé, zá díímì valú, kìínmbə̀ bàà rə kíin. Ìì yaà kúnú, ìì ɛ̀g zɔ̀ŋ aa ləə bəroó.

Kàanyée gə́, Yéésù bàà bə̀: «Ìì nùù də́dǹ sí. Ɛ̀m dáá ìì bàà ɔ̀dkudvɛɛ̀l mə́ bəd boò dáá Galili yɛ́b ba. Ìì dá mə́ ráàn bé'ǹ wərà.»

Láŋsə́ gààd gbàád bərì wál kə̀ dam bəd tá. Wál gám ìì saŋ̀ bəd ɔ̀dbə gə́, bə̀ pii sóózè bəd ba' gbàákù, bít ìì bàà bə̀: «Dáá ìì bàà: ‹Nɛ́b sáànmbə̀ oò bəd bɔ̀n yaà bə̀ pà' val oòrə tígə́lú, bɔ̀b bə́ tə́ ləəm ləə̀n naú.› Bít gɔ̀mnà kìì nwɔŋ aa ìì gə́, bə́ gàb nɛɛ̀n aa báù tɛ́'ǹ dú, bɔ̀b íí dá súùn nwɔŋ gbò'kè luùm déè gə́ kóólé rú rə yàá.» Sóózè bərì kè' basá, bít ìì mà' kìínmbə̀ nɛɛ̀n aa bàà ìì ì' bà rú rə kíin. Kə̀ aarə kíin, nwɔŋ aarə sa' taà Yahudu bəd tə́ŋú, yaà wə́ə́ taà nyàm nyà'aa bə̀ aa yée zé.