Popular Bible Verses from 1 ᑲᕒᐃᑎᔭᓇᒃ 11

Share

ᒦ ᐃ ᐯᔑᑾᓐ ᑳᐃᔥᒀᐐᓯᓂᐙᒡ ᐅᑮᐅᑖᐱᓈᓐ ᐃᐃ ᒥᓂᒀᑲᓐ, ᑳᔑᒨᔥᑭᓀᐲᒃ ᔔᒥᓈᐳ, ᐅᐅᐌ ᐁᐃᓈᒡ: ᐅᐅ ᒥᓂᒀᑲᓐ ᑳᐃᔑᓈᑯᑑᒡ ᑭᔐᒪᓂᑑ ᐅᑑᔥᑭᐊᔓᑕᒫᑫᐎᓐ, ᓂᒥᔅᑸᕽ ᑫᐋᔩᒋᑑᒡ ᐅᑕᔓᑕᒫᑫᐎᓐ᙮ ᐊᐲ ᐱᑯ ᒥᓂᑴᔦᒃ ᐅᐅ ᑑᑕᒧᒃ ᒋᒫᒥᑲᐎᓄᑕᐎᔦᒃ᙮ ᒦ ᐃ ᐁᓀᑖᑾᒃ, ᑕᓯᕽ ᐃᑯ ᐊᒬᒃ ᐗᐊ ᐸᑴᔑᑲᓐ ᑲᔦ ᐁᐅᒋᒥᓂᑴᔦᒃ ᐅᐅ ᒥᓂᒀᑲᓂᕽ, ᒨᔕᒃ ᑭᑲᐃᔑᓈᑯᑕᒫᑫᒻ ᑳᑮᐃᔑᓂᐴᑕᒫᑫᒡ ᑳᑎᐯᒋᑫᒡ, ᐲᓂᔥ ᐃᑯ ᒋᑕᑶᔑᕽ᙮

ᓇᔥᑫ ᐋᓃᔥ ᑳᑎᐯᒋᑫᒡ ᓃᓐ ᐃᑯ ᓂᑮᐐᑕᒫᒃ, ᒦ ᐃᐌ ᐋᔕ ᑫᑮᓇᐙ ᑳᑮᐋᓂᑫ ᐐᑕᒪᐎᓇᑰᒃ, ᐃᐃᐌ ᑳᑮᐃᔑᒋᑫᒡ ᑳᑎᐯᒋᑫᒡ ᒋᓴᔅ ᒦ ᐃᐌ ᐊᐲ ᐁᑎᐱᑲᓂᓂᒃ ᒋᑆ ᐅᑖᐱᓂᑲᓂᐎᒡ᙮ ᐸᑴᔑᑲᓇᓐ ᐅᑮᐅᑖᐱᓈᓐ᙮ ᐁᑮᓇᓈᑯᒧᒡ ᐃᑕᔥ ᐅᑮᐸᐸᑴᐱᓈᓐ, ᐅᐅᐌ ᐁᐃᑭᑐᒡ: ᒦ ᓴ ᐅᐌ ᓃᔭᐤ, ᐅᒋ ᑮᓇᐙ᙮ ᒦ ᐅᐌ ᐊᓂᐅᒋᑑᑕᒧᒃ ᐊᒬᒃ ᒋᒫᒥᑲᐎᓄᑕᐎᔦᒃ᙮

ᒦᑕᔥ ᐃᐃ ᑲᑭᓇ ᐊᐎᔭ ᐊᑲᐌ ᑕᑲᑴ ᑾᔭᑴᓂᑎᓱ ᐋᓃᓐ ᐁᔑᐊᔮᒡ, ᒦᑕᔥ ᐃᐃ ᒋᐊᒸᒡ ᐃᓂ ᐸᑴᔑᑲᓇᓐ ᑲᔦ ᒋᐅᒋᒥᓂᑴᒡ ᐃᐃ ᒥᓂᒀᑲᓂᓂ᙮ ᑮᔥᐱᓐ ᐃᑕᔥ ᑾᔭᒃ ᐃᔑᓇᓯᒃ ᐋᓃᓐ ᐁᓍᑌᓂᒃ ᑳᑎᐯᒋᑫᓂᒡ ᐐᔭᐎᓂ ᐊᐲ ᐁᐊᒸᒡ ᐃᓂ ᐸᑴᔑᑲᓇᓐ ᑲᔦ ᐅᒋᒥᓂᑴᒡ ᐃᐃ ᒥᓂᒀᑲᓂᓂ, ᑕᐅᒋᑲᔥᑭᑕᒫᓱ ᒋᑎᐹᑯᓂᑲᓂᐎᒡ ᒣᒀ ᐁᐐᓯᓂᒡ ᑲᔦ ᐁᒥᓂᑴᒡ᙮

ᒦ ᐃᐌ ᑮᔥᐱᓐ ᐊᐎᔭ ᑌᐱᓈᒃ ᐊᒸᒡ ᑳᑎᐯᒋᑫᓂᒡ ᐅᐸᑴᔑᑲᓂᒥᓂ, ᑲᔦ ᐃᔑᒥᓂᑴᒡ ᐅᒥᓂᒀᑲᓂᓃᕽ, ᐁᑳ ᑾᔭᒃ ᐁᑭᑌᓂᒫᓯᒃ ᑳᑎᐯᒋᑫᓂᒡ, ᑕᐃᓇᑭᒫ ᐊᐎᔭ ᐁᑮᐹᐱᓄᑕᒪᐙᒡ ᑳᑎᐯᒋᑫᓂᒡ ᐐᔭᐎᓂ ᑲᔦ ᐅᒥᔅᑸᒥᓂ᙮

ᑮᓇᐙ ᑲᔦ ᑭᑭᓇᐙᐸᒥᔑᒃ ᑲᔦ ᓃᓐ ᐁᐃᔑᑭᑭᓇᐙᐸᒪᒃ X᙮