Popular Bible Verses from Lomu 6

Share

Na kavaʼmo nehagenoʼaene. Hosu kavaʼmo aliʼyaʼamo neʼaliya vayaʼai miyaʼapimo falisaya kavaʼmo haneʼniyaʼmonanafa Gotiʼa fikumo hapa maeno neʼapamiya kavaʼmo alagepa huʼa maige maige huʼa maisaya kavaʼmo haneʼniye. Agaemo Ala kava netimo Yesu Kalaisipiʼmo neʼmaiya vayaʼmo neʼapamiye.

Na kava hinagetapaene. Lapakaemo keʼaepa gemo aiyafiʼmo oʼmaiʼnafa Gotiʼa fikumo lapa maeno nelapamiya kavaʼmo aiyafiʼmo neʼmaiyaʼmofeʼmo hosu kavaʼmoʼa yagaino olapategaiye.

Muki yaʼmo Afoʼamoʼmo ha le konali yaʼaletiʼmo Kalaisiʼa faliʼniyatetiʼmo ago alino he tino ateʼniya kava huta he tita saufa kavaʼmo huta maisunafeʼmo Gotiʼa Kalaisipiʼmo aniʼmo faleno lateʼnigeta agaeʼeʼmo magokepi faliʼnonagenoʼaeʼmo agaeʼeʼmo magokepi kino lateʼniye.

Lapakaemo lapakufafi alu ya alu yatapimoʼa hosu kavaʼmo hisayafeʼmo hosu kavaʼmo ayapiʼmo lapakufafi haneʼniya alu ya alu yatapimo oʼamiyo. Lapakaemo faliʼnayatetiʼmo ago he titapa afaʼa maiʼnayaʼmofeʼmo lapakufafi haneʼniya alu ya alu yatapiletiʼmo alagepa kavaʼmo hisayafeʼmo lapakufaʼaʼe muki lapakufafiʼmo haneʼniya yatapiʼeʼmo Gotikeʼmo amiyo.

Ago afiʼnonana lagufafi hosu kavatimo lokiyaʼamo hano hisigeno hosu kavaʼmoʼa yagaino lateʼnisigeta aliʼyaʼamo magoʼe huta oʼalisunafeʼmo Gotiʼa atafa vekatimo Kalaisiʼeʼmo malipu yosaleʼmo nili aiʼnigeno faliʼniye.

Lapakaemo hutapaeʼmo, hosu kavatefeʼmo faliʼnonaʼmonanafa Ala kava netimo Kalaisi Yesupiʼmo maiʼnetaeʼmo Gotitefeʼmo afaʼa maiʼnone, hutapa lapakesamo afiyo.

Inagi lagaemo hemenimo na agufa gemo hugune. Gotiʼa magoʼe huno fikumo laha maeno lamisiyafeʼmo hosu kavaʼmo magoʼe huta huge huge huta maigune, huta hisupiye. Haʼao, alagi atalegeno hano hino. Lagaemo hosu kavatilefeʼmo ago faliʼnonaʼmofeʼmo haiya kava huta magoʼe huta hosu kavapiʼmo maigune.

Lapakaemo ago afiʼnayana mago vekaeʼmo hutapaeʼmo, aliʼyakamo aligune, hutapa huʼnisayana ani vekamo kalavusi aliʼyaʼamo neʼaliya vayaʼmo maiʼnae, hutapa afiʼnae. Lapakaemo hosu kavaʼmo kalavusi aliʼyaʼamo neʼaliya vayaʼmo maiʼnisayana faligae. Goti kalavusifiʼmo geʼamo akame hutapa kalavusi aliʼyaʼamo neʼaliya vayaʼmo maiʼnisayana lapaipafatiʼmo fatago kavaʼmo afole aigiye.

Hogoteno hosu kavaʼmoʼa yagaino lapateʼnigetapa kalavusi aliʼyaʼamo neʼaliya vayaʼmo maiʼnayaʼmonanafa Gotiʼa lapavalelino eno geʼamo aiyafiʼmo lapateʼnigetapa lapaipafatiʼmo geʼamo akame nehayaʼmofeʼmo Gotifeʼmo hao ke hegetao. Gotiʼa hosu kavategatiʼmo ago hatu maeno lapateʼnigetapa alagepa kavaʼamo aliʼyaʼamo neʼaliya vayaʼmo hamaleʼnae.