Popular Bible Verses from Lomu 14

Share

Na kava higetapaene. Gotiʼa neʼyaʼe aniʼeʼmo neʼnaya kavateʼmo yagaino noʼapatefa Goti Aunemeʼamoʼmo laipafiʼmo maiʼnigeta fatago kavaʼmo nehunagenoʼaeʼmo laipamoʼmo falu huʼnisigeta lamogaga aisuna kavatekeʼmo yagaino nelate. Vayaʼmogimo ani kavaʼmo nehuʼa Kalaisi aliʼyaʼamo neʼalisayana Gotiʼa amuse huno neʼapategeʼa muki vayaʼmogiʼeʼmo amuse huʼa neʼapatae.

Afaʼa maiʼnetaeʼmo Ala kava netefekeʼmo maiʼnone. Falisunana Ala kava netefekeʼmo faligune. Afaʼa maiʼnopi falisupi huta Ala kava neʼmo vayaʼamo maiʼnone.

Amuse huno neʼapateyaʼmofeʼmo magoke laipa lagesamo aliʼneta alita lokiya vaita apatesuna kavaʼmo hisunafeʼmo layamukiki higetao.

Ha paigunaʼmofeʼmo konagatimogi kavaʼapimo magoʼe huta alita fako osuta atalegetao. Konagatimogi apaiyafiʼmo hapaesigeʼa hosu kavapiʼmo asagauʼa aisayafeʼmo mago kavaʼmo afaʼa osugune, huta lagesamo afigetao.

Goti mukufiʼmo haneʼniya geeʼmo Ala kava neʼmoʼa hunoʼaeʼmo, Nagiʼniletiʼmo alagi lama gemo nehuve. Muki vayaʼamogi nagaetegamo eʼa apaleʼyaʼmo faiʼneʼapaeʼmo, Gotigamo alika fako huka latesana vekamo maiʼnane, huʼa aeʼa hakalo huʼa naha paigae, huno huʼniye. Inagi mukiʼamogita lamete lamete huta Gotifeʼmo hutaeʼmo, ina kavaʼmo huʼnove, ma kavaʼmo huʼnove, huta ha paigune.

Mago konagatapimogimo Goti geʼaeʼmo lokiya vaiʼa apakesamo afiʼa fatago nosisaya konagatapimogimo siosifiʼmo apavalelitapa eyo. Lapakaemo ge hapaisageʼapaeʼmo alu apakesa afisayafeʼmo apavalelita oʼmetapa fikumo apavalelitapa eyo.

Ina lagitapamo mago aliʼyaʼmo afoʼamofeʼmo aliʼyaʼamo neʼaliya vekaeʼmo hutapaeʼmo, hosu kavaʼmo nehiye, hutapa alita fako hutapa neʼatae. Agaemo aliʼyaʼmo afoʼamoʼmo agaiʼamo alino fako huno atetenoʼaeʼmo, he tino lokiya vaino maiʼniye, huno hisifi ago asagauno aiʼniye, huno hisifi agaiʼa yane. Gotiʼa afaʼa alino he tino ategaiyaʼmofeʼmo he tino maigiye.