Popular Bible Verses from Matiyu 27

Share

Une agufa afinaʼmo Yesuʼa, Ilai, Ilai, lama samakatani, huno alopa gefatiʼmo keya aeno ge huʼniye. Ani ge huʼniya gemo aepaʼamo haneʼniyana Gotiʼnimo, Gotiʼnimo, huno, na kava higekaeʼmo nataleka uʼnane, huno huʼniye.

Faliʼnigenoʼaeʼmo alopa mono nopiʼmo alapaʼage lavolavoletiʼmo aeʼa akani maleʼnaya lavolavomo anagati aeno apake ailino emineno afelaga ataleʼniye. Lusi imima aliʼnigeno alopa yafa avemo aino apalo atiʼniye. Yafa kapiʼmo kiʼa apateʼnaya vayaʼmo yafa kaʼmo aino apalo atiʼnigeno Gotiʼa apaote asole vayaʼmo alino he tino apateʼniye.

Yesuʼa halate alopa gefatiʼmo keya aeno ge hutenoʼaeʼmo aunemeʼamo ataleno faliʼniye.

Ati vayaʼaiteʼmo yagaino neʼapateya vekaʼe ati vayaʼaʼeʼmo Yesuteʼmo yagaiʼa maiʼneʼa ageʼnayana imima aliʼnigeno muki kavaʼmo afole aiʼnigeʼa ageteʼapaeʼmo lusi kava huʼa koli huteʼapaeʼmo, alagi lama gemo hune, huʼa, ani vekamo Goti mafaʼneʼamo maiʼniye, huʼa huʼnae.

Felugakukuʼmo muki haopalegamo hani huteno loleʼe magoʼe aovamo utegeno halate uneʼmo yegemo leʼniye.

Atesuvana Kalaisiʼae, hutapa agi neʼaya vekamo Yesutegamo na agufa kava hisuve, huno apafi geʼnigeʼapaeʼmo, malipu yosaleʼmo nili aiyo, huʼa ha paiʼnae. Gamani vekamoʼmo, Na kava huʼnigetapaene. Haiya hosu kavaʼmo huʼniye, huno apafi geʼnigeʼapaeʼmo alopa gefatiʼmo magoʼe magoʼe huʼa huʼapaeʼmo, malipu yosaleʼmo nili aiyo, nili aiyo, huʼa ha paiʼnae.