Popular Bible Verses from Matiyu 19

Share

Yesuʼa aulu hapaeno apaketenoʼaeʼmo, vayaʼmogimo alagi osisaya agufa kavaʼmo Gotiʼa muki ani agufa kavaʼmo afaʼa hugiye, huno hapa paiʼniye.

Ani kava huʼana lole kanolaʼmo oʼmaigaʼafa magoke kanolaʼmo maigaʼae. Gotiʼa ani gemo huʼniyaʼmofeʼmo alino lokaeno anateʼniya kanolapatiʼmo mago vayaʼmogimo aliʼa apaheʼana oʼanatesaya kavaʼmo haneʼniye, huno hapa paiʼnigeʼapaeʼmo.

Ve yalavelaʼani kavafeʼmo Goti mukufiʼmo ava gemo huʼniya gemo lekana paita oʼafiʼnafiye. Gotiʼa avoʼmo kae maleʼniya gemoʼa hunoʼaeʼmo, Gotiʼa afa yatetiʼmo aepa faino alo huʼniya afinaʼmo ve kanomo alo huteno a kanomo alo huʼniye. Alo huteno Gotiʼa hunoʼaeʼmo, ani kavaʼmo huʼnovaʼmofeʼmo ve anagaʼmogimo aʼmo aliteʼapaeʼmo itaʼapi afoʼapimogimo apataleʼuʼa aʼapiʼeʼmo lokaeʼa maisageno lole kanolaʼmo magoke anakufamo hamalegaiye.

Yesuʼa hunoʼaeʼmo, mafaʼnegana huʼa neʼmaiya vayaʼmogi Gotiʼa yagaino neʼapateya kegiʼyafiʼmo uʼa haiʼa maiʼnageno muki yaʼamo apakaiʼapi yaʼmo haneʼniyaʼmofeʼmo mafaʼne anagaʼmo apatafauta oʼapateta afaʼa apatalegeʼa nagaetegamo eyo, huno hapa paiteno

Maigayaʼmonanafa hemenimo mago asole vayaʼmo hogote vayaʼmo henaga vayaʼmo maigae. Ani kava huʼa hemenimo mago asole vayaʼmo henaga vayaʼmo hogote vayaʼmo maigae, huno hapa paiʼniye.

Muki vayaʼmogimo nagaetefeʼmo noʼapimo ataleʼa eʼnisafi konagaʼapimogi apataleʼa eʼnisafi apasaʼapimogi apataleʼa eʼnisafi afoʼapimogi apataleʼa eʼnisafi itaʼapimogi apataleʼa eʼnisafi mafaʼneʼapimo apataleʼa eʼnisafi hoyaʼapimo ataleʼa eʼnisafi huʼnisaya vayaʼmogimo vani hataletiʼa agufa yaʼmo aliteʼa alagepa huʼa maige maige huʼa maigae.

Yesuʼa ani gemo afitenoʼaeʼmo, muki geʼamo akame huteka haika hapaisanafeʼmo uka kagemi yakamo alinikuka maketi hugeʼa miya faiʼa hano hutesageka kagemi yaʼapimo ohaneʼnisiya vayaʼaina fako huka apamigenoʼa alopa kagemi yakamo kokuʼnapiʼmo haneno. Apamiteka eka nakame huvo, huno ha paiʼniyaʼmonanafa

Ma mopafi vayaʼmo alagepa vayaʼmo oʼmaiʼnafa Gotikeʼmo magokeʼageʼmo alagepa vekamo maiʼniye. Kagaemo maige maige huʼna maisuva yaʼmo alisuʼekaeʼmo keʼaepa gemo akame huvo, huno ha paiʼniye.

Magoʼe gemo lapa paigesuve, huno huteno, Kamo afumoʼmo kukena nefakaniya nekaya kapiʼmo faleno uno haisiyafeʼmo aiseʼamo lokiya vaiʼniyaʼmonanafa kagemi yaʼapimo haneʼniya vayaʼmo Gotiʼa yagaino neʼapateya kopiʼmo uʼa haisayafeʼmo magoʼe huno lokiya vaiʼniye, huno hapa paiʼniye.

Nagaemo lapa nepauve, huno, mago vekamoʼmo aʼamoʼmo kumai kavaʼmo osuʼnisiya aʼamo ha faino ataleteno alu a kanomo aliʼnisiyana kumai kavaʼmo nehiye, huʼna lapa nepauve, huno hapa paiʼniye.

Ago ataleno utegenoʼaeʼmo Yesuʼa geʼamo neʼafiya vayaʼaifeʼmo hunoʼaeʼmo, alagi lama gemo lapa nepauve, huno, kagemi yaʼapimo haneʼniya vayaʼmo Gotiʼa yagaino neʼapateya kopiʼmo haisaya kaʼmo lokiya vaiʼniya kaʼmo haneʼniye.