Popular Bible Verses from Mak 6

Share

La ne Iesu ga lok tidi xeretna, “Ude nimi, nedik kusuk ata onon uto at lamatbin kusu mina lok mamana lixilik be.” Mila buaang limixin diga rupot pasa amisik ne Iesu mi luvuttadi loklok ka anasa ren la di goxo epovo kusu dina anan.

La ne Iesu ga lok tidi xeretna, “Leeme vapaase alii, limixin di lok ngangao ren at lengkot axap, ket to at lemenemen teren, la kantubu at limixin teren la libibinat teren, kopmen dina lok ngangao ren.”

La ne Iesu midi diga oso mi lesepang la ni ga ven buaang limixin solo; neni ga balamu di mila diga lok ngan laxasipsip kopmen taradi loklok tata atnedi. Kuren la ni ga anasa di mi laxampapaase solo.

La ne Iesu goxo epovo na lok lempanga sangsangu go, ketla neni ga lok li lukngen mavana at lentaba mun kusu na lox aroo di. La neni ga sangu aleng mila di goxo nuunu.

La ne Iesu ga lok kaka levengkongkide mi luemat, la ga milik aurut uto at laxalibet la ga tong avukat ti ne Moroa, la ga sebek nom levengkongkide la ga raba luvuttadi loklok ka anasa ren min la diga raba limixin min. La ni ga raba bok luemat tidi. La limixin axap diga anan la diga an mais. La luvuttadi loklok ka anasa diga luxa lasangaun mi legepura leventat mi leveluxa mo diga an ake i ren.