Popular Bible Verses from Mak 5

Share

Ketla ne Iesu ga lok tin, “Latkin, lunuunu ram i lox avukar u. Unat pas at lenmila la lanmeres ira xap tinotno nga.”

La lara latkin mo ga nemen; lanmeres gaaling gak lok amisik teren at levenaleng axap, ga epovo at lasangaun mi legepu maares. Ni gat pot pasa amisik luvuttadi sangsanga ketla diga raba mene i mi levesongsongot la di goxo lok tooro i. Lempilas teren ga xap la mo lanmeres ga sisilok.

La soso mun lanmeres teren ga xap la ni ga suma i do ga lox avukat ta.

La ni ga ranga axatu i mi lekngen la ga lok tin keretna, “Talita kumi.” Lavasuun teren keretna; loolik, a tong i ru, una xatu upana.

La ne Iesu move ga paase mi nom latkin la lentaba luvuttadi diga rupot pasa ne Jairas, laradi gomgo at loogu singising. La diga lok ti ne Jairas keretna, “Loolik taram ira met pam, la nemen uta lox angtang bok ba laradi loklox ase.” Ketla ne Iesu goxo ronga res at levelinga atdi la ga lok ti laradi gomgo at loogu singising keretna, “Nemen uta marat. Una nuunu mun tarak.”

La ne Iesu ga lok tin keretna, “Mina on basinge na laradi, nenu lagas kapmek.” La nom laradi gap kup lolos ti ne Iesu xeretna, “Iesu, Nitna ne Moroa i silok aleng. U rupot de ri lok lavanga sala ria? Una xaape ri ne Moroa dola u noxo sev asongor ia.” La ne Iesu ga sue i, “Nege laasen taram?” Lagas ga vorang i xeretna, “Laasen tarak ne Limixin Buaang, mila nema buaang lubunggas ma suxuna na laradi.”