Popular Bible Verses from ROMANS 2

Share

Áko kwá'ásiní nílíinii, ákódaat'éii yaa nidaakaii bee baa nánít'į́įgo, da' ákondiísh ni ałdó' t'áá éí baa nanináago Diyin God yee atí'doolíiłii baa dáádideeshááł nínízin? Éí doodaléi' Diyin God bibee ajooba' índa yee ak'édí nilíinii áádóó nízaadgóó yee ha'ólníinii yee alááh neel'áanii daats'í t'áadoo nilínígóó baa nitsíníkees? Doósh nił bééhózin da, Diyin God naa jooba'go łahgo át'éego tsíńdííkosgo shich'į' dah nídidíídááł nízin?

Éí bąą kwá'ásiní nílíinii, t'áá háiida náánáłahjį' diné baa nánít'į́įgo t'áadoo ách'ą́ą́h nidóótséhí da. Bee aa nánít'ínígíí t'áá éí bee ádá nihoyít'aahgo át'é, háálá bee aa nánít'íinii ts'ídá t'áá éí ałdó' baa naniná.

Háálá Diyin God éí diné doo ła' a'ohgo yaa nitsíkees da.

Háálá bee haz'áanii yik'eh dahół'íinii t'éiyá ts'ídá t'áá ákogi ádaat'éego Diyin God bá hadoodzih, t'óó dazdiits'a'í t'éiyágo éí dooda.

Háálá t'ááłá'í jinítínígo ádajíít'įįdígíí bik'ehgo Diyin God hach'į' nidi'yoolééł.

Nidi diné t'áá shí t'éí daznízinii áádóó t'áá aaníinii doo bik'eh dahojíł'íinii, nidi doo t'áá ákogi ádaat'éii bik'eh dahojíł'ínígíí éí Diyin God hach'į' hashké dínóodzįįłgo t'óó báhádzidgo atíhodoolííł.

Nidi doo niníhóó'áhígíí bąą, áádóó doo łahgo ánáo'ne' ánít'éégóó bąą Diyin God t'óó báhádzidgo yee atí'doolííł bijį́įdi ts'ídá t'áá ákogi át'éego ánihwiit'aah yit'íní áyiilaadi t'óó báhádzidgo yee atínidoolíłígíí ádá hasht'e'nihidí'níiłgo át'é.