Popular Bible Verses from NUMBERS 14

Share

Áko t'áadoo Bóhólníihii bich'į' nidaałteehí, doodaii' díí kéyah yii' kéédahat'íinii t'áadoo bik'ee nihił daayé'í, háálá éí nihibááh dajílį́; ádích'ą́ą́h nideilyéé nít'éé' yę́ę bits'ą́ąjį' kódzaa; nihí éí Bóhólníihii nihił hólǫ́; t'áadoo nihi'ana'í bik'ee nihił daayé'í.

Bóhólníihii éí nízaadgóó ha'ólní áádóó ayóó át'éego aa a'ááh nízin, índa doo ákwii áhát'íinii áádóó bee haz'áanii hetíihii á yóó'ahizhdi'aahii jílį́, nidi diné ła' ha'át'e'ígíí ts'ídá doo hąąh ádin áhóle' át'ée da; da'azhé'é doo ákwii ádáát'įįdígíí ba'áłchíní náás ahoolchíiłii táadi índa dį́įdi ałk'i ná'azhchį́įjį' bik'i hwiileehgo yá nináhwii'nííł.

Bóhólníihii nihaa bił hózhǫ́ǫgo díí kéyah nihaididoo'áałgo yiih nihidoo'ish; éí kéyah yá'áhoot'éehgi abe' índa tsés'ná bitł'izh bee áda'azįįdgo haz'ą́.

nidi shá naal'a'í, Kéíleb, éí t'áá sahdii át'éego biyi' honít'i'ígíí áádóó t'áá aaníí shikéé' yigáłígíí bąą kéyah yii'góó tádííyáhígíí bił biih deesh'ash, índa ba'áłchíní náás ahoolchíiłii daabí doo.

Kóbidohní, T'áá aaníí hinishnánígi át'éego, ní Bóhólníihii, ákót'éego yádaałti'go nihidiséts'ą́'ígi át'éego t'áá ádadohnínígi ánihideeshłííł.

Áko Bóhólníihii éí Mózes ííłní, Haa nízáagishą' díí diné shił nida'í'įįh doo? Haa nízáadishą' índa dashiizhdoodląął? Jó, bee éédahózinii t'áá át'é dahatahgi hoł ííshjání ádaashłaa.

Áádóó Ízrel dine'é t'áá dah yinééł nít'éé' Mózes áádóó Éran yich'į' saad dahasłį́į'go ádahodííniid, T'áá Ííjip kéyahdi danee'náago nihá yá'át'éeh doo nít'éé', doodaii', Díí honoojíigi danee'náago nihá yá'át'éeh doo nít'éé'!

Áko Nan biye' Jáshowa áádóó Jiifáneh biye' Kéíleb éí atah kéyah hajíísidígíí ha'éé' ák'i nijooldláadgo Ízrel dine'é dah yinéłígíí t'áá ałtso bich'į' hadzoodzíi'go ájíní, Kéyah hadadiilził biniyé biyi'góó hadiikaígíí kéyah t'áá íiyisí ayóó áhonóolnin.

nidi t'áá aaníí hinishnánígi át'éego nahasdzáán t'áá át'éé nít'éé' bii' Bóhólníihii yee ayóó át'éii hadeezbin doo. Díí dine'é t'áá ádzíłtso Ííjip kéyahdi áádóó honoojíigi bee ayóó ánísht'éii índa álíleego í'iishłaaígíí dajiiłtsą́ą nidi, díí k'ad neeznáadi shínídaneeztą́ą'go ádíshnínígíí doo dayíísts'ą́ą́'góó naaldeeh. Dabizhé'é yę́ę kéyah baa dideesh'áałgo bee bich'į' ádee hadeesdzí'ígíí ts'ídá doo deizdoołtséeł da índa éí shá nídahojiłchįįh yę́ę doo ła' kéyahgi hwiizdoołtséeł da