Popular Bible Verses from NUMBERS 13

Share

Kéíleb éí Mózes binááł diné yidiiłheelgo ání, Tį', t'áá k'ad ákóde hidiikahgo éí kéyahígíí nihíí' ádadiilnííł, háálá ak'eh dadidiidleełígíí bídeíníigah.

Éínak dine'é yé'iitsoh nidahalin; éí yé'iitsoh danilį́įgo da'ahílchííh lá, áko nihí nahachagiigi át'éego ádadiiltsą́, ákót'éego binááł nahachagiigi ádaniit'é.

Nidi ákóde diné bił nidziskaígíí ádadííniid, Díí diné bich'į' hidiikahígíí doo bídeíníigah da, háálá bí nihiláahgo ayóó ádabóodziil.

Áko kéyah hadayíísidígíí doo yá'át'ééhgóó kéyah yaa dahalne'go Ízrel dine'é ádeiłní, Kéyah hadadiilził biniyé biyi'góó nisiikaígíí bikáá' diné kéédahat'ínígíí áádįįł lá, áádóó diné t'áá ałtso ákwe'é kéédahat'ínígíí ayóó ádaníłnééz lá.

Áádóó Mózes bił dahojoolne'go ádajiní, Kéyah bich'į' nihííníł'aadígíí baa niikai; t'áá aaníí éí kéyah yá'áhoot'éehgi abe' índa tsés'ná bitł'izh bee áda'azįįdgo haz'ą́ą́ lá, áko díí aneest'ą' áádę́ę́' nídashiijaa'.

Ákondi ákwii kéyahgi diné dabidziilgo kéédahat'į́ índa kin hadaas'áhígíí ayóó át'éego binída'astł'in, áádóó ałdó' ákwii Éínak dine'é ákwii kéédahat'į́į́ lá.

Ámalek dine'é éí kéyah shádi'ááhjígo kéédahat'į́; Het dine'é, Jííbas dine'é áádóó Ámor dine'é éí dziłghą́ą́'góó kéédahat'į́ índa Kéínan dine'é éí tónteel bibąąhgi áádóó Jórdan tooh nílíní bibąąh góyaa kéédahat'į́.

Áko Mózes áádóó Éran índa Ízrel dine'é dah yinéłígíí t'áá ałtso Péíran honoojíigi Kéídesh hoolyéedi baa níjíkaigo hane' baa nídadziz'ą́, áádóó Ízrel dine'é dah yinéłígíí t'áá ałtso éí kéyahdóó aneest'ą' nídajizhjaa'ígíí bich'į' ííshjání ádajiilaago deinééł'į́į́'.