Popular Bible Verses from MATTHEW 10

Share

Jó'akon, dibé éí mą'iitsoh yitahgóó dadeeskaígi át'éego danihidish'á; éí bąą tł'iish hóyánígi át'éego dahonohsą́, áádóó hasbídí ba'át'e' ádinígi át'éego niha'át'e' ádaadin.

T'áá háiida jiinánígíí t'áá hó ádá shójoost'e'go éí yóó'azhdoołdił, áádóó t'áá háiida shí shiniinaa jiinánígíí yóó'azhdíí'ą́ągo éí jiinánígíí shóízhdoołt'eeł.

Ats'íís deidiyoołhéełgo yídaneel'áanii nidi ii' sizíinii ts'ídá doo dayiyółhééł át'ée daígíí t'áadoo béédaałdzidí, nidi hool'áágóó ti'hoo'nííh bił haz'ą́ądi ii' sizíinii áádóó ats'íís t'áá yił íidoołdįįłgo yíneel'áanii béédaałdzid.

Áádóó t'áá háiida doo hatsin ałnáoszid nízhdiitįįhígíí áádóó doo shikéé' joogáłígíí, éí doo shą́ą́h jílį́į da.

Éí bąą t'áá háiida diné binááł shee ádééhodzílzinígíí, shí ałdó' shiTaa' yá'ąąshdi hólóonii bidááhdę́ę́' hwee ádééhodeeszįįł. Nidi t'áá háiida diné binááł, Doo hwééhasin da, shididooniiłígíí, shí ałdó' shiTaa' yá'ąąshdi hólóonii bidááhdę́ę́', Doo hwééhasin da, hodideeshniił.

Áádóó diné bitah dahoneezgaígíí náádahidoołjeeh, łóód ats'íís yiyáanii naałdzidii bee bąąh dah nidahaz'áanii hadaałt'é áńdaahdle', diné daneeznáanii hinááh áńdaahdle', níłch'i bi'iiníziinii bii' dahólóonii biyi'dę́ę́' hadahinołkaad. Nihaa dadeest'ánígíí t'áá jíík' e nihaa dadeest'ą́, áko t'áá jíík'e bee ádaahnííł.

Éí bąą t'áadoo nídaałdzidí; tsídiiłbáhí t'óó ahayóí nidi biláahgo da'nohłį́.

Nahasdzáán bikáa'gi t'áá k'é hólǫ́ǫ dooleeł biniyé jiníyá t'áadoo danohsingo shaa nitsídaahkeesí; k'é hólǫ́ǫ dooleeł doo biniyé níyáa da, nidi diltłish nítą́.