Popular Bible Verses from Roma 7

Share

Lesa nakutotela, pa mulandu wakwa Yesu Kristu Imfumu yesu. Kanshi ifi efyo caba kuli ine. Mu mutima wandi ndafwaya ukubombela Lesa, nomba bumuntu bwandi bwena bufwayafye ukubombela ububifi.

Nalishiba ukuti mu buntunse bwandi, tekuti ncite icisuma nelyo cimo. Pantu ine nangu ningafwaya ukucita ifisuma, awe ndafilwa ukuficita.

Pantu ifisuma mfwaya ukucita, nshicita. Lelo ifibi ifyo nshifwaya kucita, efyo ncita.

Kanshi ilyo ncita ifintu nshilefwaya kucita, ninshi teine ncita ifyo, lelo bubifi ubwaba muli ine ebucita ifyo.

Kanshi lyonse ifyo ciba nifi, lyonse ilyo mfwaya ukucita icintu icisuma, nsanga ndecita icibi. Mu mutima wandi mwena nalitemwa nganshi amafunde yakwa Lesa.

Ilyo ncita ifyo nshifwaya kucita, ninshi nasuminisha ukuti Amafunde yakwa Mose yasuma.