Popular Bible Verses from Roma 10

Share

Kanshi nga walumbula pa lwalala auti, “Yesu ni Mfumu,” kabili na mu mutima obe nausumina ukuti Lesa alimubusha ku bafwa, awe ninshi wapusuka.

Pantu ni mukusumina mu mutima emo tumwena ukuba abakaele pa cinso cakwa Lesa. Elyo mukulumbula pa lwalala, lyena ninshi twapusuka.

Kanshi icisumino cifuma ku mashiwi bomfwa. Elyo na aya mashiwi, yantu bafundwa pali Kristu.

Kabili Amalembo Yamushilo yatila, “Uyo onse uwacetekela Lesa takekatwe ne nsoni.” Lesa ni Mfumu ya bantu bonse. Taba na kapatulula pakati ka Bayuda na Benafyalo. Kabili eupeela ne fintu ifingi kuli bonse abamulomba. Efyo calembwa ukuti, “Abantu bonse abakalilila peshina lya Mfumu ebakapusuka.”

Nga kuti babila shani nga tababatumine? Efyo calembwa ukuti, “Ala yaliyemba amakasa ya baleta Imbila Nsuma!”

Nomba bushe kuti bakuuta shani Imfumu iyo bashasumina? Nga kuti basumina shani Imfumu, iyo bashatala abomfwapo? Nga kuti baumfwapo shani nga takuli uwakubabilila?

Pantu Amafunde yakwa Mose yapelelafye pali Kristu, epakuti abamusumina, Lesa abalule ukuba abakaele pa cinso cakwe.