Popular Bible Verses from Esaya 54

Share

Lelo ifyanso fyonse ifyo bapanga pakukulwishishako, iwe fikakufilwa, na bonse abakalakulubulwisha, iwe ukalamona umwakubashinina. Aya maka eyakwata ababomfi bandi, kabili ubulungami bwabo ubulenga ukuti balecimfya bwafuma kuli ine.” Ifi efyasosa Yawe.

Nangu impili shingaseshiwa no tupili twasholomoka, icitemwiko ico ine nakukwatila iwe, awe tacakabale aciseshiwa, ine nakulasunga pe icipangano icakulaikala umutelelwe, efyo ine ne Yawe nalanda, ne wakukwatila uluse.”

“Wilatiina, pantu iwe tawakasebane na limbi, tawakakontame pa mulandu wa nsoni iyoo. Ukalabako ku nsoni sha mu bukashana bobe, tawakaleibukisha no bunkukwa ubo waumfwile ubwa bumukamfwilwa.

Pantu Kabumba obe akaba mwina mobe, ishina lyakwe ni Yawe umwine wa fita. Lesa Wamushilo uwakwa Israeli e kalubula obe, ewitwa Lesa kateeka we sonde lyonse.

“Kushako itenti ilyo wikalamo. Anshika ne fisalu fye tenti lyobe, wishako. Lefyako imyando yaliko, wikashe ne mpopo.

Abantu bobe abaume bakafundwa kuli Yawe umwine, no mutende wa bana bobe abaume ukafula no kubaletela ishuko ne cibote.

Ine nalikufulilwe no kukusha, no kufisa icinso candi kuli iwe pa kashita kamo. Nomba lino lyena ku luse ulwingi ne nkumbu nakulakutemwafye pe, efyo ine ne Yawe ndelanda, ne wakulubula.

“Ine nalikushile iwe pa kashita kamo no kukulekelesha, nomba lino nalakubwesha no luse ulwingi.

“Pantu ici caba kuli ine nga mu nshiku shakwa Noa, filya fine ine nalapile pa nshita Noa alipo ukukanabunsha icalo nakabili, efyo na nomba nalapa ukukanakufulilwa iwe nakabili. Ine nshakalekushobaula nangu ukulakukanda iyoo.

Insonshi sha mayanda yobe ine nkashikuulila na mabwe yamutengo aya rubi, impongolo shobe nasho ine nkashipangila na mabwe ayabengeshima, ilinga lyobe nalyo ine nkalikuulila na mabwe ayauma umutengo.