Popular Bible Verses from Joel 2

Share

Cananga TAYTA DIOS caynömi nin: «Llapan shonguyquipa nogamanna yäracamuy-llapa. ¡Ayunashpayqui, wagashpayqui, llaquicushpayqui nogamanna cutimuy-llapa!»

«Chaypitanaga llapan runacunamanmi Espiritöta cachamushäpaj. Chaynöpami wamrayquicuna ollgupis warmipis ribilashäta willaconga. Auquincunapis suyñonga imapis cananpaj cajcunata. Mösucunapis ricapaconga shamoj watacunacho imanöpis cananpaj cajcunata.

TAYTA DIOSTANA wiyacuy. Röpayquicunata rachinayquipa ruquenga llapan shonguyquipa arpinticuy. TAYTA DIOSGA amatar allimi; fiyupa cuyapäcojmi; pasinsacojmi; fiyupa cuyacojmi. Arpinticuptenga castigananpaj caycashanchöpis manami castigannachu.

Chayno captinpis nogaman yäracamushpan mañacamaj cäga salbashami canga. Sión lömacho, Jerusalenchömi acrashä cajcunaga salbacongapaj.»

Intimi chacaj ricacongapaj. Quillanami yawarmanno ticracurengapaj. Llapan chaycunaga canga TAYTA DIOS jusganan junaj manaraj chayamuptinmi. Chay jusganan junäga cangapaj fiyupa manchariypaj junajmi.