Popular Bible Verses from ROMANOS 9

Share

To bairi Dio cʉ̃ majuuna manire cʉ̃ ca-bopaco tʉjʉro caroaro áami manire. Caroaro manire cʉ̃ cá-átibojapere mani ca-booro o caroaro mani majuuna mani cá-áti tutuarije wapa mee manire átibojami.

Ca-jʉgoyepʉ Moisé tirʉmʉpʉ macacʉre: “Noa yʉ ca-boorã jetore na yʉ bopaco tʉjʉgʉ,” cʉ̃ ca-ĩiñupi Dio.

To bairo me ãa. Cawatoa ca-ãna anibana quena ca-ani majuʉre Diorena, “Cariape mʉ átiquẽe,” cʉ̃re mʉja ĩi tuti majiqueti majuucõa Diore. Jotʉ ca-weore, “To bairi jotʉ yʉ weequeticõaña,” ĩi tuti majiquẽto jotʉ quena.

To bairi Dio noa cʉ̃ ca-mai tʉjʉgarãre na mai tʉjʉʉmi. Cʉ̃re ca-nʉcʉbʉgogateerã quenare cʉ̃re na ca-bai netoo nʉcaro na áami. Cʉ̃ ca-booro na átinucumi camajare.

Ríi weeri majoco noo cõ ca-booro jeto wee majimo. Jicã bʉrʉarena noo jicã rʉʉ cawatoa ca-anipa rʉʉ cõ ca-booro cõ ca-cʉgopa rʉʉ wee majimo. Ti bʉrʉarena ape rʉʉ caroa rʉʉ boje rʉmʉ ca-ano cõ ca-cʉgopa rʉʉ quenare cõ ca-booro wee majimo. Cõ ca-booro cõ cá-átore bairona manire áami Dio quena cʉ̃ ca-boorijere.