Popular Bible Verses from ROMANOS 4

Share

“Yʉre cʉ̃ ca-ĩi cũurica wamere átiquẽcʉmi Dio,” ca-ĩi tʉgooñaquẽjupʉ Abraham. “Yʉre cʉ̃ ca-ĩi cũurica wame yʉ átiboja majiimi Dio, ca-maji netoʉ aniri,” ĩi tʉgooñaʉ netobʉjaro Diore ca-apiʉja nʉcʉbʉgoyupʉ.

Dio Abraham're cʉ̃ ca-ĩi buioricarore bairona ĩi ucarique ãa Dio Wadarique ca-aniepʉ: “Capaarã maja ñicʉre mʉ yʉ cũu,” ĩi ucarique ãa Abraham're Dio cʉ̃re cʉ̃ ca-ĩi cũurique. To bairo Abraham're Dio cʉ̃re cʉ̃ ca-ĩi cũurica wamere cʉ̃ ca-api nʉcʉbʉgoro maca mani ñicʉ ca-anipaʉre cʉ̃ ca-cũuñupi Dio Abraham're, Diore ca-api nʉcʉbʉgorã ñicʉre. Dio maca ãmi ca-bai yajiricarãre ca-tunu catío majii. Ca-manibataje quenare to ca-ano áti majimi. To bairi, “Seeto ca-majii aniri cʉ̃ ca-ĩirore bairona átigʉmi Dio,” cʉ̃ ca-ĩi nʉcʉbʉgoyupʉ Abraham Diore.

Jesú maca caroorije mani cá-átie wapa mani ca-bai yajibojayupi. Cʉ̃ ca-bai yajiro bero cʉ̃ ca-tunu catíoyupi Dio Jesúre. Jesúre cʉ̃ ca-tunu catíorique jʉgori, “Ca-ñuurã ãma,” mani ĩi tʉjʉ majimi Dio manire.

“Mʉ pãramerã capaarã majuu anigarãma,” Abraham're Dio cʉ̃ ca-ĩri paʉre Abraham ca-punaa mácʉ ca-añupʉ mai. Ca-punaa mácʉ anibacʉ quena, “Dio yʉre cʉ̃ ca-ĩi cũuri wamere bairona baigaro,” ca-ĩi tʉgooñañupʉ Abraham.

To bairi cʉ̃re ca-apiʉja nʉcʉbʉgorã jetore Abraham're cʉ̃ ca-ĩrica wame unore wariñuuriquere na joogʉmi Dio, na mai tʉjʉri. Judío majare Moisé cʉ̃ cá-áti rotirique cá-ána quenare, tiere cá-átiquẽna quenare wariñuuriquere na joogʉmi Dio Abraham're bairona Diore ca-apiʉja nʉcʉbʉgorã na ca-ãmata. Cʉ̃ ãnacʉre bairona Diore ca-apiʉja nʉcʉbʉgorã mani ca-anicõamata, “Abraham pãramerã majuuna ãma,” mani ĩi tʉjʉmi Dio.

Noa Diore cʉ̃ na ca-bai netooriquere, caroorije na cá-átajere Dio na cʉ̃ ca-majiriobojaro bero caroaro wariñuugarãma. Noa caroorije na cá-átajere Dio tʉgooñaquẽcʉna, “Ca-ñuurã ãma, na yʉ popiyeyequetigʉ,” Dio cʉ̃ ca-ĩirã caroaro wariñuugarãma, ca-ĩi ucayupi Ʉpaʉ David ãnacʉ.

Oco bairo ĩi Dio Wadarique: “Abraham Diore caroaro ca-api nʉcʉbʉgoyupʉ. To bairi, ‘Caroaro cá-ácʉ ãmi Abraham,’ cʉ̃ ca-ĩi tʉjʉyupʉ Dio,” ĩi ucarique ãa.