Popular Bible Verses from ܡܬܠ̈ܐ 11

Share

ܓܵܢܵܐ ܕܒܲܪܟ݂ܵܐ ܒܸܬ ܗܵܘܝܵܐ ܡܲܢܬܝܼܵܢܬܵܐ، ܘܗ̇ܘ ܕܡܲܫܬܹܐ، ܐܘܼܦ ܗ̇ܘ ܒܸܬ ܦܵܐܹܫ ܡܘܼܫܬܝܼܵܐ.

ܚܲܕ ܕܝܲܗ݇ܒܸܠ ܒܐܝܼܕܵܐ ܦܬܘܼܚܬܵܐ، ܟܹܐ ܡܲܙܝܸܕ، ܘܗ̇ܘ ܕܚܵܣܹܟ݂ ܡ̣ܢ ܕܝܼܠܹܗ ܠܵܙܸܡ، ܟܹܐ ܡܵܛܹܐ ܠܡܸܣܟܹܢܘܼܬܵܐ.

ܐܲܝܟܵܐ ܕܐܵܬܹܐ ܫܘܼܒ݂ܗܵܪܵܐ، ܟܹܐ ܐܵܬܹܐ ܐܘܼܦ ܒܘܼܨܵܪܵܐ، ܐܝܼܢܵܐ ܥܲܡ ܡܲܟܝܼܟܹ̈ܐ ܐܝܼܬ ܚܸܟ݂ܡܬܵܐ.

ܟܲܕ ܠܲܝܬ ܡܕܲܒܪܵܢܘܼܬܵܐ ܟܹܐ ܢܵܦܹܠ ܥܲܡܵܐ، ܐܝܼܢܵܐ ܐܝܼܬ ܦܘܼܪܩܵܢܵܐ ܒܦܸܪܝܘܼܬܵܐ ܕܡܵܠܘܿܟܹ̈ܐ.

ܛܥܘܼܢܬܵܐ ܕܙܲܕܝܼܩܵܐ ܐܝܼܠܵܢܵܐ ܕܚܲܝܹ̈ܐ ܝܠܵܗ̇، ܘܦܲܪܩܵܢܵܐ ܕܓܵܢܵܬܹ̈ܐ ܚܲܟܝܼܡܵܐ ܝܠܹܗ.

ܗ̇ܘ ܕܚܵܕܹܪ ܒܸܕܪܵܝܵܐ ܒܘܼܚܬܵܢ ܟܹܐ ܓܵܠܹܐ ܐ݇ܪܵܙܵܐ، ܐܝܼܢܵܐ ܡܗܘܼܡܢܵܐ ܒܪܘܼܚܹܗ ܟܹܐ ܟܲܣܹܐ ܚܲܒܪܵܐ.

ܟܹܐ ܩܵܢܹܐ ܦܘܼܪܥܵܢܵܐ ܠܓܵܢܹܗ ܐ݇ܢܵܫܵܐ ܕܫܵܦܵܩܲܬ، ܐܝܼܢܵܐ ܟܹܐ ܚܲܙܕܸܓ ܠܦܲܓ݂ܪܹܗ ܐ݇ܢܵܫܵܐ ܛܵܠܡܵܢܵܐ.

ܣܵܒܪܵܢܵܐ ܒܥܘܼܬܪܹܗ ܒܸܬ ܢܵܦܹܠ، ܐܝܼܢܵܐ ܙܲܕܝܼܩܹ̈ܐ ܒܸܬ ܒܲܪܛܸܢܝܼ ܐܲܝܟ݂ ܛܲܪ̈ܦܹܐ.

ܥܘܼܬܪܵܐ ܠܲܝܬ ܠܹܗ ܝܘܼܬܪܵܢܵܐ ܒܝܵܘܡܵܐ ܕܟܲܪܒܵܐ، ܐܝܼܢܵܐ ܙܲܕܝܼܩܘܼܬܵܐ ܟܹܐ ܦܲܨܝܵܐ ܡ̣ܢ ܡܵܘܬܵܐ.

ܬܲܡܝܼܡܘܼܬܵܐ ܕܬܪ̈ܘܼܨܹܐ ܒܸܬ ܡܕܲܒܪܵܐ ܠܗܘܿܢ، ܐܝܼܢܵܐ ܦܟ̰ܝܼܠܘܼܬܵܐ ܕܚܵܝܝܼܢܹ̈ܐ ܒܸܬ ܛܲܠܩܵܐ ܠܗܘܿܢ.

ܐܲܝܟ݂ ܚܸܙܡܬܵܐ ܕܕܲܗܒ݂ܵܐ ܒܢܵܚܝܼܪܵܐ ܕܚܙܘܼܪܵܐ، ܗܲܕܟ݂ܵܐ ܝܠܵܗ̇ ܒܲܟ݂ܬܵܐ ܫܲܦܝܼܪܬܵܐ ܕܠܲܝܬ ܠܵܗ̇ ܦܲܪܡܵܝܬܵܐ.

ܡܲܣܲܐܝܵܬܹ̈ܐ ܦܠܝܼܡܹ̈ܐ ܛܲܡܐܘܼܬܵܐ ܝܢܵܐ ܠܡܵܪܝܵܐ، ܐܝܼܢܵܐ ܡܲܬܩܵܠܵܐ ܬܪܘܼܨܵܐ ܨܸܒ݂ܝܵܢܹܗ ܝܠܹܗ.