Popular Bible Verses from ܒܪܝܬܐ 37

Share

ܘܚܠܝܼܡ ܠܹܗ ܝܵܘܣܸܦ ܚܸܠܡܵܐ، ܘܟܲܕ ܡܘܼܕܸܥ ܠܹܗ ܠܐܲܚܘܿܢܘܵܬܹ̈ܗ، ܒܘܼܫ ܙܵܘܕܵܐ ܣܢܹܐ ܠܗܘܿܢ ܐܸܠܹܗ.

ܝܼܣܪܵܝܹܠ ܡܘܼܚܸܒ ܠܹܗ ܠܝܵܘܣܸܦ ܒܘܼܫ ܙܵܘܕܵܐ ܡ̣ܢ ܟܠܲܝܗܝ ܒܢܘܿܢܘܼ̈ܗܝ ܐ݇ܚܹܪ̈݇ܢܹܐ، ܣܵܒܵܒ ܒܪܘܿܢܵܐ ܕܣܲܝܒܘܼܬܵܐ ܝܗ݇ܘܵܐ ܐܸܠܹܗ؛ ܘܥܒ݂ܝܼܕ ܠܹܗ ܐܸܠܹܗ ܨܘܼܕܪܵܐ ܡܵܪܹܐ ܪ̈ܲܢܓܹܐ.

ܘܚܙܹܐ ܠܗܘܿܢ ܐܲܚܘܿܢܘܵܬܹ̈ܗ ܕܡܘܼܚܸܒ ܠܹܗ ܐܸܠܹܗ ܒܵܒܲܝܗܝ ܒܘܼܫ ܙܵܘܕܵܐ ܡ̣ܢ ܟܠܲܝܗܝ، ܣܢܹܐ ܠܗܘܿܢ ܐܸܠܹܗ، ܘܠܵܐ ܡܨܹܐ ܠܗܘܿܢ ܠܗܲܡܙܘܼܡܹܐ ܥܲܡܹܗ ܒܫܠܵܡܵܐ.

ܘܚܠܝܼܡ ܠܹܗ ܡܸܢܕܪܸܫ ܚܸܠܡܵܐ ܐ݇ܚܹܪ݇ܢܵܐ، ܘܗܘܼܩܹܐ ܠܹܗ ܠܐܲܚܘܿܢܘܵܬܹ̈ܗ، ܘܐ݇ܡܝܼܪܹܗ، ”ܗܵܐ، ܚܠܝܼܡ ܠܝܼ ܚܸܠܡܵܐ ܐ݇ܚܹܪ݇ܢܵܐ: ܫܸܡܫܵܐ ܘܣܲܗܪܵܐ ܘܚܲܕܸܥܣܲܪ ܟܵܘܟ݂ܒܹ̈ܐ ܡܲܟܘܼܦܹܐ ܓܵܢܲܝܗܝ ܐܸܠܝܼ.“

ܘܒܘܼܚܸܠ ܠܗܘܿܢ ܒܝܼܹܗ ܐܲܚܘܿܢܘܵܬܹ̈ܗ، ܐܝܼܢܵܐ ܒܵܒܘܼܗܝ ܢܛܝܼܪܹܗ ܒܠܸܒܹܗ ܐܵܗܵܐ ܚܲܒܪܵܐ.

ܐ݇ܡܝܼܪܹܗ ܐܸܠܲܝܗܝ، ”ܫܡܸܥܡܘܼܢ ܠܐܵܗܵܐ ܚܸܠܡܵܐ ܕܚܠܝܼܡ ܠܝܼ؛ ܟܲܕ ܐܲܚܢܲܢ ܒܹܐܣܵܪܵܐ ܝܘܲܚ ܗ݇ܘܵܘ ܕܲܪ̈ܙܹܐ ܓܵܘ ܚܲܩܠܵܐ، ܗܵܐ ܩܝܼܡ ܠܵܗ̇ ܕܲܪܙܝܼ ܘܟܠܹܐ ܠܵܗ̇ ܬܪܘܼܨܬܵܐ؛ ܘܕܲܪ̈ܙܵܘܟ݂ܘܿܢ ܟܪܝܼܟ݂ ܠܗܘܿܢ ܠܚܵܕܸܪ̈ܘܵܢܹܐ ܕܕܲܪܙܝܼ ܘܟܝܼܦ ܠܗܘܿܢ ܩܵܕ݇ܡܘܼܗ̇.“

ܬܹܝܡܘܼܢ ܐܵܕܝܼܵܐ ܩܵܛܠܲܚ ܠܹܗ ܘܪܲܦܲܚ ܠܹܗ ܓܵܘ ܚܲܕ ܒܹܐܪܵܐ، ܘܐܵܡܪܲܚ ܗܲܝܘܵܢ ܟܹܘܝܼ ܩܲܡ ܐܵܟ݂ܠܵܐ ܠܹܗ؛ ܘܚܵܙܲܚ ܡܘܿܕܝܼ ܒܸܬ ܗܵܘܝܼ ܚܸܠܡܘܼ̈ܗܝ.“

ܐܝܼܡܲܢ ܕܬܲܓܵܪܹ̈ܐ ܡܸܕܝܵܢܵܝܹ̈ܐ ܥܒ݂ܝܼܪܗܘܿܢ، ܓܪܝܼܫ ܠܗܘܿܢ ܐܲܚܘܿܢܘܵܬܹ̈ܗ ܠܝܵܘܣܸܦ ܘܡܘܼܐܣܸܩ ܠܗܘܿܢ ܐܸܠܹܗ ܡ̣ܢ ܒܹܐܪܵܐ؛ ܘܙܘܼܒܸܢܗܘܿܢ ܐܸܠܹܗ ܠܐܝܼܫܡܲܥܠܵܝܹ̈ܐ ܒܥܸܣܪܝܼ ܙܘܼܙܹ̈ܐ ܕܣܹܐܡܵܐ؛ ܘܐܵܢܝܼ ܡܘܼܐܬܹܐ ܠܗܘܿܢ ܠܝܵܘܣܸܦ ܠܡܸܨܪܹܝܢ.

ܐ݇ܡܝܼܪܗܘܿܢ ܚܲܕ ܠܗ̇ܘ ܐ݇ܚܹܪ݇ܢܵܐ، ”ܗܵܐ ܐ݇ܬܹܐ ܠܹܗ ܡܵܪܵܐ ܕܚܸܠܡܹ̈ܐ.

ܚܙܹܐ ܠܗܘܿܢ ܐܸܠܹܗ ܡ̣ܢ ܪܸܚܩܵܐ، ܘܡ̣ܢ ܩܵܕ݇ܡ ܕܩܲܪܒܸܢ ܗ݇ܘܵܐ ܠܟܸܣ ܠܲܝܗܝ، ܥܒ݂ܝܼܕ ܠܗܘܿܢ ܦܸܠܡܵܐ ܕܩܵܛܠܝܼ ܠܹܗ.

ܘܐ݇ܡܝܼܪܹܗ ܐܸܠܲܝܗܝ ܪܐܘܼܒܸܢ، ”ܠܵܐ ܫܲܦܟ݂ܝܼܬܘܿܢ ܕܸܡܵܐ؛ ܪܲܦܸܝܡܘܼܢ ܠܹܗ ܓܵܘ ܕܐܵܗܵܐ ܒܹܐܪܵܐ ܕܝܼܠܵܗ̇ ܓܵܘ ܒܲܪܝܼܵܐ، ܘܐܝܼܕܵܐ ܠܵܐ ܦܲܫܛܝܼܬܘܿܢ ܐܸܠܹܗ،“ ܣܵܒܵܒ ܒܸܒܥܵܝܵܐ ܝܗ݇ܘܵܐ ܕܦܲܨܹܐ ܗ݇ܘܵܐ ܠܹܗ ܡ̣ܢ ܐܝܼܕܵܬܲܝ̈ܗܝ، ܘܕܡܲܕܸܪ ܗ݇ܘܵܐ ܠܹܗ ܠܒܵܒܘܼܗܝ.