Popular Bible Verses from ܡܦܩܢܐ 9

Share

ܐܝܼܢܵܐ ܣܵܒܵܒ ܐܵܗܵܐ ܡܘܼܩܸܡܘܼܟ݂ ܝܼܘܸܢ، ܩܵܐ ܕܡܲܚܙܸܝܢ ܐܸܠܘܼܟ݂ ܚܲܝܠܝܼ، ܘܩܵܐ ܠܗܲܩܘܼܝܹܐ ܫܸܡܝܼ ܒܟܠܵܗ̇ ܐܲܪܥܵܐ.

ܗ̇ܝܓܵܗ ܐ݇ܡܝܼܪܹܗ ܡܵܪܝܵܐ ܠܡܘܼܫܹܐ، ”ܥܒ݂ܘܿܪ ܠܟܸܣ ܦܸܪܥܘܿܢ ܘܐ݇ܡܘܿܪ ܐܸܠܹܗ، ’ܗܲܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ ܐܲܠܵܗܵܐ ܕܥܸܒ݂ܪ̈ܵܝܹܐ، ܫܲܕܸܪ ܠܥܲܡܝܼ ܕܦܵܠܚܝܼ ܐܸܠܝܼ.

ܣܵܒܵܒ ܗܲܠ ܐܵܕܝܼܵܐ ܡܵܨܹܝܢ ܗ݇ܘܵܐ ܦܲܫܛܸܢ ܗ݇ܘܵܐ ܐܝܼܕܝܼ ܘܡܵܚܹܝܢ ܗ݇ܘܵܐ ܐܸܠܘܼܟ݂ ܘܠܥܲܡܘܼܟ݂ ܒܡܵܘܬܵܢܵܐ، ܘܒܸܬ ܗܵܘܹܝܬ ܗ݇ܘܵܐ ܛܘܼܠܩܵܐ ܡ̣ܢ ܦܵܬܵܐ ܕܐܲܪܥܵܐ؛

ܗܵܐ، ܐܝܼܕܵܐ ܕܡܵܪܝܵܐ ܒܸܬ ܡܲܝܬܝܵܐ ܡܵܘܬܵܢܵܐ ܪܵܒܵܐ ܝܲܩܘܼܪܵܐ ܠܩܸܢܝܵܢܘܼ̈ܟ݂ ܕܓܵܘ ܕܸܫܬܵܐ، ܠܣܘܼܣܵܘܵܬܹ̈ܐ، ܠܚܡܵܪܹ̈ܐ، ܠܓܘܼܡܠܹ̈ܐ، ܠܒܸܩܪ̈ܵܬܹܐ، ܘܠܦܸܣܩܹ̈ܐ. ܐܝܼܢܵܐ ܒܸܬ ܦܵܪܹܫ ܡܵܪܝܵܐ ܒܹܝܠ ܩܸܢܝܵܢܹ̈ܐ ܕܝܼܣܪܵܝܹܠ ܘܒܹܝܠ ܩܸܢܝܵܢܹ̈ܐ ܕܡܸܨܪܹܝܢ، ܗܵܕܵܐ ܕܠܵܐ ܡܵܐܹܬ ܡܸܢܕܝܼ ܕܝܼܠܹܗ ܕܒܢܲܝ̈ ܝܼܣܪܵܝܹܠ.‘“

ܩܵܝܕܲܡܬܵܐ ܐܲܝܟ݂ ܕܐܵܗܵܐ ܥܕܵܢܵܐ، ܒܸܬ ܫܲܕܪܸܢ ܒܲܪܕܵܐ ܪܵܒܵܐ ܚܲܝܠܵܢܵܐ، ܗ̇ܘ ܕܠܲܝܬ ܗܘܝܼܵܐ ܐܲܝܟ݂ ܕܝܼܹܗ ܒܡܸܨܪܹܝܢ ܡ̣ܢ ܝܵܘܡܵܐ ܕܦܝܼܫ ܠܵܗ̇ ܫܘܼܬܐܸܣܬܵܐ ܘܗܲܠ ܐܵܕܝܼܵܐ. ܐܵܕܝܼܵܐ ܫܲܕܸܪ ܘܓ̰ܲܡܸܥ ܠܩܸܢܝܵܢܘܼ̈ܟ݂ ܘܠܟܠ ܡܸܢܕܝܼ ܕܐܝܼܬ ܠܘܼܟ݂ ܒܕܸܫܬܵܐ؛ ܟܠ ܒܲܪܢܵܫܵܐ ܘܗܲܝܘܵܢ ܕܦܵܐܹܫ ܡܫ݇ܟ̰ܝܼܚܵܐ ܓܵܘ ܕܸܫܬܵܐ، ܘܠܵܐ ܦܵܐܹܫ ܡܘܼܥܒܸܪܵܐ ܠܒܲܝܬܵܐ، ܒܸܬ ܥܵܪܹܐ ܥܲܠܲܝܗܝ ܒܲܪܕܵܐ ܘܒܸܬ ܡܵܝܬܝܼ.‘“

ܘܒܸܬ ܗܵܘܹܐ ܥܘܼܪܵܐ ܥܲܠ ܟܠܵܗ̇ ܐܲܪܥܵܐ ܕܡܸܨܪܹܝܢ، ܘܒܸܬ ܗܵܘܹܐ ܡܘܼܫܪܹ̈ܐ ܒܸܕܪܵܝܵܐ ܕܲܪ̈ܒܵܬܹܐ ܥܲܠ ܒܢܲܝ̈ܢܵܫܵܐ ܘܥܲܠ ܗܲܝܘܵܢ ܒܟܠܵܗ̇ ܐܲܪܥܵܐ ܕܡܸܨܪܹܝܢ.“ ܘܫܩܝܼܠ ܠܗܘܿܢ ܠܩܸܛܡܵܐ ܕܐܲܬܘܿܢܵܐ ܘܟܠܹܐ ܠܗܘܿܢ ܩܵܕ݇ܡ ܦܸܪܥܘܿܢ، ܘܕܘܼܪܹܐ ܠܹܗ ܡܘܼܫܹܐ ܩܸܛܡܵܐ ܠܵܫܡܲܝܵܐ، ܘܗܘܹܐ ܠܹܗ ܡܘܼܫܪܹ̈ܐ ܕܕܲܪ̈ܒܵܬܹܐ ܒܸܦܠܵܛܵܐ ܒܒܲܪܢܵܫܵܐ ܘܒܗܲܝܘܵܢ.