Popular Bible Verses from ܡܦܩܢܐ 7

Share

ܐ݇ܡܝܼܪܹܗ ܡܵܪܝܵܐ ܠܡܘܼܫܹܐ، ”ܚܙܝܼ، ܥܒ݂ܝܼܕܘܼܟ݂ ܝܘܸܢ ܐܲܝܟ݂ ܐܲܠܵܗܵܐ ܠܦܸܪܥܘܿܢ، ܘܐܲܗܪܘܿܢ ܐܲܚܘܿܢܘܼܟ݂ ܒܸܬ ܗܵܘܹܐ ܢܒ݂ܝܼܘܼܟ݂.

ܐܝܼܢܵܐ ܐܵܢܵܐ ܒܸܬ ܡܲܩܫܸܝܢ ܠܠܸܒܵܐ ܕܦܸܪܥܘܿܢ، ܘܒܸܬ ܡܲܙܝܸܕܸܢ ܠܢܝܼܫܲܢܩܝܼ̈ ܘܠܥܵܓ̰ܸܒܘܵܬܝܼ̈ ܒܐܲܪܥܵܐ ܕܡܸܨܪܹܝܢ. ܘܠܹܐ ܫܵܡܹܥ ܐܸܠܵܘܟ݂ܘܿܢ ܦܸܪܥܘܿܢ. ܗ̇ܝܓܵܗ ܒܸܬ ܡܲܪܡܸܢ ܐܝܼܕܝܼ ܥܲܠ ܡܸܨܪܹܝܢ، ܘܒܕܝܼܘܵܢܹ̈ܐ ܓܘܼܪܹ̈ܐ ܒܸܬ ܦܲܠܛܸܢ ܡ̣ܢ ܐܲܪܥܵܐ ܕܡܸܨܪܹܝܢ ܠܚܲܝܠܵܘܵܬܝܼ̈، ܕܝܼܢܵܐ ܥܲܡܝܼ ܒܢܲܝ̈ ܝܼܣܪܵܝܹܠ.

ܘܒܸܬ ܝܵܕܥܝܼ ܡܸܨܪ̈ܵܝܹܐ ܕܐܵܢܵܐ ܝܘܸܢ ܡܵܪܝܵܐ، ܟܲܕ ܦܲܫܛܸܢ ܐܝܼܕܝܼ ܥܲܠ ܡܸܨܪܹܝܢ ܘܦܲܠܛܸܢ ܠܒܢܲܝ̈ ܝܼܣܪܵܝܹܠ ܡ̣ܢ ܓܵܘܲܝܗܝ.“

ܗ̇ܝܓܵܗ ܦܸܪܥܘܿܢ ܩܪܹܐ ܠܹܗ ܠܚܲܟܝܼܡܹ̈ܐ ܘܠܚܲܪ̈ܵܫܹܐ، ܘܐܘܼܦ ܐܵܢܝܼ ܚܲܪ̈ܵܫܹܐ ܕܡܸܨܪܹܝܢ ܥܒ݂ܝܼܕ ܠܗܘܿܢ ܗܵܕܵܐ ܒܚܸܪ̈ܫܲܝܗܝ. ܟܠ ܐ݇ܢܵܫܵܐ ܪܘܼܦܹܐ ܠܹܗ ܠܐܲܪܥܵܐ ܚܘܼܛܪܹܗ ܘܗܘܹܐ ܠܹܗ ܚܘܼܘܹܐ؛ ܐܝܼܢܵܐ ܚܘܼܛܪܵܐ ܕܐܲܗܪܘܿܢ ܒܠܝܼܥ ܠܹܗ ܠܚܘܼܛܪ̈ܲܝܗܝ.

ܗܲܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ، ”ܒܐܵܗܵܐ ܒܸܬ ܝܵܕܥܹܬ ܕܐܵܢܵܐ ܝܘܸܢ ܡܵܪܝܵܐ؛ ܗܵܐ، ܐܵܢܵܐ ܒܸܬ ܡܵܚܹܝܢ ܒܚܘܼܛܪܵܐ ܕܝܼܠܹܗ ܒܐܝܼܕܝܼ ܠܡ̈ܝܼܵܐ ܕܝܼܢܵܐ ܒܢܲܗܪܵܐ، ܘܒܸܬ ܦܵܝܫܝܼ ܡܘܼܚܕܸܪܹܐ ܠܕܸܡܵܐ.

”ܐܝܼܡܲܢ ܕܐܵܡܹܪ ܐܸܠܵܘܟ݂ܘܿܢ ܦܸܪܥܘܿܢ، ’ܥܒ݂ܘܿܕܘܼܢ ܐܲܚܬܘܿܢ ܢܝܼܫܲܢܩܵܐ،‘ ܐܵܡܪܹܬ ܠܐܲܗܪܘܿܢ، ’ܫܩܘܿܠ ܚܘܼܛܪܘܼܟ݂ ܘܪܲܦܝܼ ܠܹܗ ܩܵܕ݇ܡ ܦܸܪܥܘܿܢ ܕܗܵܘܹܐ ܚܘܼܘܹܐ.‘“ ܐ݇ܙܝܼܠ ܠܗܘܿܢ ܡܘܼܫܹܐ ܘܐܲܗܪܘܿܢ ܠܟܸܣ ܦܸܪܥܘܿܢ، ܘܥܒ݂ܝܼܕ ܠܗܘܿܢ ܕܵܐܟ݂ܝܼ ܕܦܩܝܼܕ ܠܹܗ ܡܵܪܝܵܐ؛ ܪܘܼܦܹܐ ܠܹܗ ܐܲܗܪܘܿܢ ܚܘܼܛܪܹܗ ܩܵܕ݇ܡ ܦܸܪܥܘܿܢ ܘܩܵܕ݇ܡ ܪܹ̈ܓܵܘܵܬܹܗ، ܘܗܘܹܐ ܠܹܗ ܚܘܼܘܹܐ.