Popular Bible Verses from ܩܘܗܠܬ 5

Share

ܠܵܐ ܡܲܠܝܸܙܸܬ ܒܦܘܼܡܘܼܟ݂، ܘܠܸܒܘܼܟ݂ ܠܵܐ ܡܲܠܝܸܙ ܠܦܲܠܘܼܛܹܐ ܚܲܒܪܵܐ ܩܵܕ݇ܡ ܐܲܠܵܗܵܐ، ܣܵܒܵܒ ܐܲܠܵܗܵܐ ܒܫܡܲܝܵܐ ܝܠܹܗ، ܘܐܲܢ݇ܬ ܥܲܠ ܐܲܪܥܵܐ، ܘܒܘܼܬ ܐܵܗܵܐ ܗܵܘܝܼ ܚܲܒܪ̈ܵܢܘܼܟ݂ ܚܲܕ݇ܟ̰ܵܐ،

ܐܘܼܦ ܟܠ ܐ݇ܢܵܫܵܐ ܕܝܘܼܗ݇ܒܸܠ ܠܹܗ ܐܸܠܹܗ ܐܲܠܵܗܵܐ ܥܘܼܬܪܵܐ ܘܕܵܘܸܠܬܵܐ، ܘܩܲܡ ܝܲܗ݇ܒܸܠ ܠܹܗ ܫܘܼܠܛܵܢܵܐ ܠܹܐܟ݂ܵܠܵܐ ܡܸܢܲܝܗܝ، ܘܠܩܲܒܘܼܠܹܐ ܣܵܗܡܹܗ، ܘܠܸܚܕܵܝܵܐ ܒܥܲܡܠܹܗ؛ ܐܵܗܵܐ ܡܵܘܗܲܒ݂ܬܵܐ ܕܐܲܠܵܗܵܐ ܝܠܵܗ̇.

ܡܲܚܸܒܵܢܵܐ ܕܙܘܼܙܵܐ ܠܹܐ ܣܵܒܹܥ ܡ̣ܢ ܙܘܼܙܵܐ، ܘܡ̇ܢ ܕܡܲܚܸܒ ܥܘܼܬܪܵܐ، ܠܹܐ ܣܵܒܹܥ ܡ̣ܢ ܡܲܗܨܘܼܠ. ܐܘܼܦ ܐܵܗܵܐ ܣܪܝܼܩܘܼܬܵܐ ܝܠܵܗ̇.

ܢܛܘܿܪ ܐܲܩܠܘܼ̈ܟ݂ ܟܲܕ ܐܵܙܹܠ݇ܬ ܠܒܹܝܬ ܐܲܠܵܗܵܐ، ܘܩܲܪܒܲܢܬܵܐ ܠܸܫܡܵܥܵܐ ܒܘܼܫ ܨܦܵܝܝܼ ܝܠܵܗ̇ ܡ̣ܢ ܠܝܼܵܗ݇ܒ݂ܵܐ ܕܸܒ݂ܚܵܐ ܕܣܲܟ݂ܠܹ̈ܐ، ܣܵܒܵܒ ܠܹܐ ܝܢܵܐ ܒܝܼܕܵܥܵܐ ܕܒܸܥܒ݂ܵܕܵܐ ܝܢܵܐ ܒܝܼܫܬܵܐ.

ܟܲܕ ܢܵܕܪܹܬ ܢܸܕܪܵܐ ܠܐܲܠܵܗܵܐ، ܠܵܐ ܥܲܪܩܸܠܸܬ ܠܬܲܡܘܼܡܹܗ، ܣܵܒܵܒ ܠܲܝܬ ܠܹܗ ܒܘܼܣܵܡܵܐ ܒܣܲܟ݂ܠܹ̈ܐ. ܡܸܢܕܝܼ ܕܢܵܕܪܹܬ ܬܲܡܸܡ!

ܒܘܼܫ ܨܦܵܝܝܼ ܝܠܵܗ̇ ܕܠܵܐ ܢܵܕܪܹܬ، ܡ̣ܢ ܕܢܵܕܪܹܬ ܘܠܵܐ ܬܲܡܸܡܸܬ.

ܚܠܝܼܬܵܐ ܝܠܵܗ̇ ܫܸܢܬܵܐ ܕܦܲܠܵܚܵܐ، ܐܸܢ ܚܲܕ݇ܟ̰ܵܐ ܝܲܢ ܐܸܢ ܪܵܒܵܐ ܐܵܟܹܠ، ܐܝܼܢܵܐ ܣܒ݂ܵܥܬܵܐ ܕܥܲܬܝܼܪܵܐ ܠܹܐ ܫܵܒ݂ܩܵܐ ܠܹܗ ܠܸܕܡܵܟ݂ܵܐ.

ܕܵܐܟ݂ܝܼ ܕܦܠܝܼܛ ܠܹܗ ܫܘܼܠܚܵܝܵܐ ܡ̣ܢ ܒܲܛܢܵܐ ܕܝܸܡܹܗ، ܒܸܬ ܕܵܐܹܪ ܠܹܐܙܵܠܵܐ ܐܲܝܟ݂ ܕܐ݇ܬܹܐ ܠܹܗ، ܘܡܸܢܕܝܼ ܠܹܐ ܫܵܩܹܠ ܡ̣ܢ ܥܲܡܠܹܗ ܕܐܵܙܹܠ ܒܐܝܼܕܹܗ.