Popular Bible Verses from Romanyon 4

Share

Ny'n gwre diskryjyans vyth mayth hokya a-dro dhe ambos Duw, mes y feu krevhes y'n fydh ow kormel Duw, hag ow pos sur y hylli Duw gul an pyth re ambossa.

Dell yw skrifys, ‘My re'th wrug tas kenedhlow pals’ – a-rag an Duw may fydhyas ynno, neb a re bewnans dhe'n re varow hag a elow dhe vosva an taklow na's teves bosva.

neb a veu res dhe'n mernans drefenn agan drogoberow ha drehevys rag may fen ni kevys ewn.

Neb a grysi yn govenek dres govenek y to ha bos ‘an tas dhe genedhlow pals’, dell via leverys, ‘Yndella y fydh dha henedh.’

Ytho an ambos a dheu dhiworth fydh, may fo dre ras ha may fo surhes dhe oll y dhiyskynnysi – na vo unnsel dhe'n re a hol an lagha mes ynwedh dhe'n re usi a fydh Abraham, neb yw tas dhyn ni oll.

‘Gwynnvys an re gevys dhedha aga hammweythyow ha kudhys aga feghosow; gwynnvys an gour ma na reken an Arloedh y begh er y bynn.’

Rag pandr'a lever an skryptor? ‘Abraham a fydhyas yn Duw ha homm o akontys dhodho avel ewnder.’