Popular Bible Verses from Matthew 7

Share

‘Govynnewgh hag y fydh res dhywgh, hwilewgh ha hwi a gyv, knoukyewgh hag y fydh igerys dhywgh

rag peub neb a wovynn a dhegemmer, ha neb a hwila a gyv, ha dhe neb a gnouk y fydh igerys.

‘Pubonan ytho a woslow ow geryow ma hag a's gwra, a vydh hevelebys dhe wour fur neb a dhrehevis y ji war an garrek

Kekemmys ytho a vynnowgh orth tus gul ragowgh hwi, henna gwrewgh ragdha i; rag hemm yw an lagha ha'n brofoesi.

mes kul yw an porth hag ynn yw an fordh a led dhe vewnans, ha tanow yw an re a's kyv.

‘Ewgh a-bervedh der an porth kul; rag ledan yw an porth hag efan yw an fordh a led dhe dhiswrians ha lies yw an re a wra entra dredhi

Hwi, ytho, ow pos drog, mar kodhowgh ri rohow da dh'agas fleghes, pygemmys moy y re agas Tas y'n nevow dhe'n re a wovynn orto!

‘Na wrewgh breusi ma na vewgh hwi breusys; rag gans an vreus may hwrewgh hwi breusi dredhi, hwi a vydh breusys, ha gans an musur may fusurowgh hwi ganso, y fydh musurys dhy'hwi.

Ha pubonan a woslow ow geryow ma mes heb aga gul a vydh hevelebys dhe wour foll neb a dhrehevis y ji war dir tewesek

Ha prag y hwre'ta mires orth an motta usi yn lagas dha vroder, mes ny verkydh an geber usi yn dha lagas dha honan? Po fatell yll'ta jy leverel dhe'th vroder, “Gas vy dhe denna an motta yn-mes a'th lagas”, hag awotta'n geber y'th lagas dha honan?

‘Bedhewgh war a fals profoesi, neb a dheu dhywgh yn gwisk deves, mes war-ji yth yns i bleydhi ow ravna. Hwi a wra aga aswonn der aga frut. A guntellir grappys dhiworth spern po figys dhiworth askall?

Yn kettella pub gwydhenn dha a dheg frut da, mes gwydhenn bodrek a dheg drog frut.

Ny yll gwydhenn dha doen drog frut, na byth moy ny yll gwydhenn bodrek doen frut da.

Pub gwydhenn na dheg frut da a vydh treghys dhe'n dor ha tewlys y'n tan.