Popular Bible Verses from Matthew 16

Share

Ena Yesu a leveris dh'y dhyskyblon, ‘Mar mynn nebonan dos war ow lergh, gwres ev nagha y honan ha kemmeres y grows yn-bann hag ow holya.

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Ha my a re dhis alhwedhow gwlaskor nev, ha pypynag oll a gelmi war an nor a vydh kelmys y'n nevow, ha pypynag oll a dhigelmi war an nor a vydh digelmys y'n nevow.’

Rag piwpynag a vynno sawya y vewnans, ev a'n kyll, ha piwpynag a gollo y vewnans a-barth dhymm, ev a'n kyv.

Rag py les a vydh dhe dhen mar kwra ev gwaynya oll an bys mes ev a gyll y enev y honan? Po pandr'a wra den y ri yn attal rag y enev?

Yn-medh ev dhedha, ‘Mes piw y leverowgh hwi ow bos evy?’ Ha Simon Peder a worthybis ha leverel, ‘Ty yw an Krist, Mab an Duw bew.’

Ha Yesu a worthybis ha leverel dhodho, ‘Gwynn dha vys, Simon mab Yona, rag kig ha goes ny dhiskudhas henna dhis, mes ow Thas eus y'n nevow.