Popular Bible Verses from Matthew 15

Share

Mes an taklow a dheu yn-mes a'n ganow a dheu dhiworth an golonn ha henna a wra defola den. Rag dhiworth an golonn y teu drokprederow: denladh, avoutri, dijastita, ladrans, fals dhustuni ha blasfemi.

Nyns yw an dra hag a wra mos a-bervedh y'n ganow a dhefol den, mes an dra hag a dheu yn-mes a'y anow – henna a wra defola den.’

“An bobel ma a'm enor gans aga diwweus, mes pell yw aga holonn dhiworthiv; hag yn euver i a'm gordh, ow tyski avel dyskas gorhemmynnow tus.” ’

Ena Yesu a worthybis, ow leverel dhedha, ‘A venyn, meur yw dha fydh; bedhes dhis kepar dell vynnydh.’ Ha'y myrgh a veu yaghhes a'n keth eur na.

Mes hi a dheuth ha plegya dhe'n dor a-dheragdho, ow leverel, ‘Arloedh, gweres vy.’ Mes ev a worthybis, ow leverel, ‘Nyns yw gwiw kemmeres bara an fleghes ha'y dewlel dhe'n keun.’ Yn-medh hi, ‘Ya, Arloedh, rag ynwedh an keun a dheber an brewyon koedhys dhiworth moes aga mestrysi.’