Popular Bible Verses from Breusysi 7

Share

An ARLOEDH a leveris dhe Gideon, ‘An re usi genes yw moy es dell eus edhomm dhymm dhe ri an Midyanysi yn aga leuv. Ny wra Ysrael marnas kemmeres an bri dhiworthiv, ow leverel, “Ow leuv evy re'm delivras.”

Ena an ARLOEDH a leveris dhe Gideon, ‘Gans an tri hans hag a lapyas, my a'th telirv, hag y rov an Midyanysi y'th leuv. Dehweles oll an re erell dh'aga thre.’

Lemmyn ytho dyllo hemma yn klewans an bobel, “Piw pynag yw ownek hag ow krena, dehweles tre.” ’ Yndella Gideon a's kroedras; dew vil warn ugens anedha a dhehwelis tre ha deg mil a wortas.

Ena an ARLOEDH a leveris dhe Gideon, ‘An bobel yw hwath re aga myns; kemmer i yn-nans dhe'n dowr ha my a's kroeder ragos ena. Pan lavarav, “Hemma a genes”, ev a genes; ha pan lavarav, “Nyns a hemma genes”, nyns a genes.’

Ytho ev a gemmeras an bobel yn-nans dhe'n dowr, ha'n ARLOEDH a leveris dhe Gideon, ‘Oll an re hag a lap an dowr gans aga thaves, par dell lap ki, ty a's gorr dhe denewen; oll an re hag a war benn dewlin, ow korra aga diwla dh'aga ganow, ty a's gorr dhe'n denewen arall.’ Myns an re hag a lapyas o tri hans gour; mes oll an re erell a'n bobel eth war benn dewlin rag eva dowr.