Popular Bible Verses from Breusysi 6

Share

el an ARLOEDH a omdhiskwedhas dhodho hag a leveris dhodho, ‘Yma an ARLOEDH genes, kasor galloesek.’

Ena an ARLOEDH a dreylyas dhodho hag a leveris, ‘Ke y'th nerth ma ha delirv Ysrael a leuv Midyan; a ny wrugavy dha dhannvon?’

An ARLOEDH a leveris dhodho, ‘My a vydh genes, ha ty a wysk yn-nans an Midyanysi, yn kettep penn anedha.’

Gideon a worthybis dhodho, ‘Mes, syrra, mars usi an ARLOEDH genen, ytho prag y hwarva oll hemma dhyn? Ha ple'ma oll an gweythresow marthys a dherivas agan tasow dhyn, ow leverel, “A ny wrug an ARLOEDH agan dri yn-bann a Ejyp?” Mes lemmyn an ARLOEDH re'gan tewlis dhe-ves, ha'gan ri yn leuv Midyan.’

Ev a worthybis, ‘Ow Arloedh, fatell allav delivra Ysrael? Ow hordh yw an gwanna yn Manasse, ha my yw an lyha yn ow theylu.’

Lemmyn el an ARLOEDH a dheuth hag esedha yn-dann an derebinthenn yn Ofra, o dhe Yoash, an Abiezryas. Pan esa y vab Gideon ow trushya gwaneth y'n winwask, rag y gudha a'n Midyanysi

Ytho Gideon a dhrehevis alter dhe'n ARLOEDH ena, ha'y henwel, An ARLOEDH yw kres. Bys y'n jydh hedhyw y sev yn Ofra an Abiezrysi.

Ena y leveris dhodho, ‘Mara'm bo favour genes, diskwa dhymm tokyn yth yw ty usi ow kewsel genev.

Mes an ARLOEDH a leveris dhodho, ‘Kres re bo dhis; na borth own, ny verwydh.’

Mebyon Ysrael a wrug an pyth o drog yn golok an ARLOEDH, ha'n ARLOEDH a's ros yn leuv Midyan seyth blydhen.